ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ховалинг як зумра иншооти мавриди ниёзи мардум ба истифода дода шуданд

Апрель 13, 2019 09:54

ХОВАЛИНГ, 13.04.2019 /АМИТ «Ховар»/. Бахшида ба ҷашни 30-солагии Истиқлолияти давлатии Ҷумҳурии Тоҷикистон  дар ноҳияи Ховалинги вилояти Хатлон як зумра иншооти барои мардум зарурӣ мавриди баҳрабардорӣ қарор дода шуданд.

Бо дастгирии мақомоти иҷроияи ҳокимияти давлатии ноҳия ва Барномаи Ҷонибдории Инкишофи Иҷтимоии Манотиқи Кӯҳистон, ҷалби соҳибкорон ва саҳми сокинон дар деҳаи Паранаки Ҷамоати деҳоти «Ховалинг» иншооти оби нӯшокӣ ба истифода дода шуд. Иншоот аз манораи об, марказҳои тақсимоти об, ҳисобкунакҳо ва 70 нуқтаи обгирӣ иборат буда, барои  беш аз 350 нафар сокинон пешбинӣ шудааст.

Ҳамин гуна иншоот дар яке аз дурдасттарин деҳаҳои Ҷамоати деҳоти «Ҷонбахт» барои 30 оила ба истифода супорида шуд. Иншоот ҷавобгӯ ба талаботи санитарию эпидемиологӣ буда, аз обанбор барои 20 метри мукааб об, иншооти обтаъминкунӣ, ҳисобкунакҳо ва 30 нуктаи обгирӣ иборат мебошад.

Тавре сокини ноҳияи Ховалинг  Ҳасан Аминов иттилоъ  дод, сокинони ҷамоат барои ин ғамхориҳо миннатдории хешро ба роҳбарияти олии мамлакат ва мақомоти иҷроияи ҳокимияти давлатӣ баён карданд.

Чанде пеш бо дастгирии Мақомоти иҷроияи ҳокимияти давлатӣ ва ҷалби соҳибкорон бинои маркази дандонпизишкии ноҳия тариқи ҳашар пурра навсозӣ гардид. Корҳои сохтмонӣ дар муҳлати кӯтоҳтарин бо сифати баланд ба анҷом расиданд. Минбаъд дар ин марказ, ки шароити хуби корӣ фароҳам оварда шудааст, 12 нафар кормандони соҳа ба аҳолӣ хизмати тиббӣ мерасонанд.

Ҳамзамон дар деҳаи «Чуқурак»-и Ҷамоати деҳоти «Ҷомбахт» соҳибкорони маҳаллӣ ва сокинон тариқи ҳашар бо ҷалби техникаҳои Муассисаи давлатии нигоҳдории роҳҳои автомобилгарди ноҳия ба сангфаршкунии роҳҳои деҳа оғоз карданд. Баъди анҷоми сангфаршкунӣ соҳибкорон мақсад доранд, ки аз чашмаҳо ба воситаи қубурҳо то деҳа оби нӯшокӣ кашонанд ва аҳолии деҳаро бо оби ошомиданӣ пурра таъмин намоянд.

Бинои нави мактаб дар деҳаи Шугнови ноҳияи Ховалинг

 

Апрель 13, 2019 09:54

Хабарҳои дигари ин бахш

35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд