ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: дар Конибодом 153 иншооти гуногун мавриди истифода қарор гирифтаанд
ДУШАНБЕ, 19.04.19. /АМИТ «Ховар»/. Имрӯзҳо ба ифтихори 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои мамлакат корҳои ободониву бунёдкорӣ бо маром ҷараён доранд. Давоми се соли минбаъда дар ҳар як деҳа ва маҳалли аҳолинишин даҳҳо иншооти иҷтимоӣ, чун коргоҳҳои дӯзандагӣ, майдончаҳои варзишӣ, қасри фарҳанг, бунгоҳҳои тиббӣ, ҳаммом, сартарошхона, кошонаи ҳусн, пулҳо ва боғҳои фарҳангию фароғатӣ бунёд карда мешаванд.
Дар доираи омодагиҳо ба ин ҷашни таърихӣ дар шаҳри Конибодоми вилояти Суғд давоми соли гузашта ва дар семоҳаи аввали соли равон 153 иншооти муҳим мавриди истифода қарор дода шуданд.
Тавре аз мақомоти иҷроияи ҳокимияти давлатии шаҳри Конибодом ба АМИТ «Ховар» иттилоъ доданд, тибқи нақша, то соли 2021 бунёду баистифодадиҳии 506 иншооти гуногун, аз ҷумла, мактабу синфхонаҳои иловагӣ, марказҳои саломатӣ, ҳаммому кошонаҳои ҳусн, дорухона, толору майдончаҳои варзишӣ, марказҳои савдою хизматрасонӣ, таъмири китобхона, мумфаршу чароғонкунии роҳҳо ва дигар иншооти муҳим дар назар дошта шудааст.
Ба иттилои манбаъ, бо дастгириҳои пайвастаи роҳбарияти вилоят, мақомоти иҷроияи ҳокимияти давлатии шаҳр, соҳибкорону саховатмандон ва сокинони бунёдкори шаҳру деҳот соли гузашта 93 иншооти таъйиноти гуногун ва дар семоҳаи аввали соли равон 60 иншооти муҳим мавриди истифода қарор дода шуд.
То охири соли равон бунёду ифтитоҳи беш аз 100 иншооти дигар дар назар аст.
Бояд зикр намуд, ки ҳадаф аз бунёди коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, ҳаммом, сартарошхона, кошонаи ҳусн, пулҳо ва боғҳои фарҳангию фароғатӣ дар деҳот- ин наздик сохтани симои деҳот ба шаҳр, баланд бардоштани сатҳи маданияти деҳотиён дар муносибату рафтор, гуфтор, илму ҳунар, забономӯзӣ, эҳтиром нисбат ба моликияти худ ва давлат мебошад. Зеро дар бархе мавридҳо мо шоҳиди он мегардем, ки боғу гулгашт ва таҷҳизоти барои дилхушии кӯдакон бунёдшуда аз тарафи баъзе шахсон поймолу шикаста мешаванд.
Аз ин рӯ дар баробари бунёди ин гуна иншоот ба ҳифзу эҳтиёт кардани онҳо низ бояд диққат диҳем, то меҳнату маблағҳои зиёди сарфшуда барҳадар нараванд.
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
