ФУТБОЛ: бозии дуюми дӯстонаи дастаи мунтахаби наврасони Тоҷикистон бо тими наврасони Уммон баргузор гардид

ДУШАНБЕ, 26.04.2019 /АМИТ«Ховар»/. Шоми дирӯз дар шаҳри Душанбе бозии дуюми дӯстонаи  дастаи мунтахаби наврасони то 16 солаи Тоҷикистон оид ба футбол таҳти роҳбарии сармураббӣ Аҳлиддин Турдиев бо  дастаи мунтахаби наврасони то 16 солаи   Уммон баргузор гардид. Вохӯрии дастаҳои мунтахаби наврасони Тоҷикистон ва Уммон дар Варзишгоҳи марказии пойтахт  дар ҳузури  мухлисони  сершумор доир гардида, бо ҳисоби мусовии 3:3 хотима ёфт. Хотиррасон мекунем, ки бозии аввали дастаҳо бо ҳисоби 2:0 ба суди дастпарварони Аҳлиддин Турдиев ба анҷом расида буд.

Ёдовар мешавем, ки  бозиҳои дӯстонаи мазкур як омодагии ҷиддии дастаи мунтахаби наврасони Тоҷикистон ба марҳилаи интихобии Чемпионати Осиё-2020  мебошад.

 Тафсилоти ин бозии дӯстона:

ТОҶИКИСТОН (U-16) – Уммон (U-16) – 2:0

Голҳо: Абдулфатоҳи Худойдодзода, 28 (1:0). Меҳрубони Абдурауф, 90 (2:0).

ТОҶИКИСТОН (U-16) – Уммон (U-16) – 3:3

Голҳо: Абдул Алим Абдулла Садулла Ал-Раваҳӣ, 35 –пеналти (0:1). Мишари Али Сайф Ал-Ҳасанӣ, 38 (0:2). Абдул Раҳман Сауд Юнус Ал-Ҷабрӣ, 45 (0:3). Хуршед Убайдуллозода, 45+3 –пеналти (1:3). Афлах Солеҳ Ҷамил Ал-Ҷаради, 47 – (худгол) (2:3). Абдуфатоҳи Худойдодзода, 83 (3:3).