Лоиҳаи «Ҳамроҳ бихонем» шавқи хонандагонро ба китобхонӣ бедор месозад
ХОРУҒ, 02.04.2019 /АМИТ «Ховар»/. Мудирони шуъбаҳои маориф ва омӯзгорони синфҳои ибтидоии муассисаҳои таҳсилоти миёнаи умумии Вилояти Мухтори Кӯҳистони Бадахшон бо мақсади татбиқи пурраи бандҳои лоиҳаи «Ҳамроҳ бихонем» дар шаҳри Хоруғ гирди ҳам омаданд.
Дар баррасии масъалаи мазкур намояндагони Вазорати маориф ва илми Ҷумҳурии Тоҷикистон низ ширкат намуданд. Сардори Раёсати маорифи вилоят Одинашо Мардов гуфт, ки «ин лоиҳаи сол бо мақсади дастрасии комили хонандагон ба маводи босифати хониш, ба омӯзгорон ёд додани тарзу усулҳои пешрафтаи муосир ва муассири таълимӣ мебошад. Аз таҳия ва қабули ин лоиҳа панҷ сол гузашт ва дар ин давра зиёда аз 290 нафар омӯзгорони синфҳои ибтидоӣ ба давраҳои омӯзишӣ ҷалб карда шуданд. Дар чанд соли охир таваҷҷуҳи хонандагон бештар ба омӯзиши техника ва технологияи муосири коммуникатсионӣ равона гардида, аз мутолиаи китоб каме дар канор монданд. Дар ҳоле, ки манбаи дониш на дар компютер, балки дар китоб аст. Тамоми кашфиёти илмию оммавӣ маҳз аз китоб маншаъ гирифтаанд. Ҳамин компютерро олимон баъди мутолиаи китоб ихтироъ карданд, на баръакс. Бинобар ин ҳадафи ягонаи лоиҳаи мазкур ба китоб наздик кардани кӯдакону наврасон мебошад. Бахшида ба 30- солагии Истиқлолияти давлатӣ эълон намудани озмуни ҷумҳуриявии «Фурӯғи субҳи доноӣ» низ дар татбиқи ҳадафу мароми ин лоиҳа таконе хубе мебахшад».
Омӯзгори синфҳои ибтидоии муассисаи таҳсилоти миёнаи умумии рақами сеюми шаҳри Хоруғ Рамзия Сомиддинова мегӯяд, ки «баъди ширкат дар давраҳои омӯзишие, ки дар доираи лоиҳаи «Ҳамроҳ бихонем» баргузор гардиданд, бо бисёр тарзу усулҳои нав шинос шудем. Яке аз ин усулҳо омода кардани китобҳои худсохт аз тарафи худи хонандагони хурдсол мебошад. Хонандагон китобҳояшонро бо шавқу ҳаваси беандоза ороиш медоданд ва аз ҳама муҳим, барои тозаву озода нигоҳ доштани маҳсули дасташон масъулияти бештар зоҳир менамоянд. Ба ибораи дигар, ин лоиҳа аз як сӯ шавқу ҳаваси хонандагонро ба китобхонӣ бештар мекунад, аз сӯи дигар ба ҳифзу нигоҳдории китобҳои дарсӣ низ кумак мерасонад».
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
