«САВГАНД БА НОМАТ, ЭЙ ВАТАН!». 211 нафар наваскарон дар шаҳри Турсунзода қасами садоқат ёд карданд

Апрель 22, 2019 08:13

ДУШАНБЕ, 22.04.2019. /АМИТ «Ховар»/. 20 апрели соли равон дар назди пайкараи И.Сомонии шаҳри Турсунзода бахшида ба савгандёдкунии 211 нафар наваскарони қисми низомии 6592-и Раёсати қӯшунҳои дохилии Вазорати корҳои дохилӣ маросими тантанавӣ доир гардид.

Тавре аз аз Вазорати корҳои дохилӣ ба мухбири АМИТ «Ховар» хабар доданд, дар ин маърака Фармондеҳи Раёсати қӯшунҳои дохилии ВКД Суҳроб Рауфзода, Раиси шаҳри Турсунзода Абдуқодир Вализода, собиқадорон, волидайни наваскарон ва роҳбарияти қисми низомӣ иштирок доштанд.

Раиси шаҳри Турсунзода меҳмонон ва падару модаронро бо маросими савгандёдкунии фарзандонашон табрик намуда, бо боварӣ зикр намуд, ки наваскарон ба савганди ёдкардаи худ устувор монда, ба халқу Ватан содиқонаву самимона хизмат хоҳанд кард.

Фармондеҳи Раёсати қӯшунҳои дохилии Вазорати корҳои дохилӣ, полковник Суҳроб Рауфзода дар ҷамъомад изҳор кард, ки «хизмат дар сафи Артиши миллӣ шараф буда, онҳое ки ба хизмати Модар-Ватан сафарбар карда мешаванд, маросими савгандёдкунӣ дар хотирашон чун санаи фаромӯшнашаванда боқӣ хоҳад монд».

Ба иттилои манбаъ, аксари он наваскароне, ки савганди садоқат ёд карданд, ҷавононе, буданд, ки бо майлу хоҳиши худ ба хизмат омадаанд. Донишу маърифат ва фарҳангу маданияти сарбозон аз он шаҳодат медиҳад, ки онҳо воқеан бо дарки баланди масъулиятшиносӣ ва эҳсоси ватанпарварию миллатдӯстдорӣ хизмат дар сафҳои Қувваҳои мусаллаҳро вазифаи муқаддаси худ мешуморанд.

Апрель 22, 2019 08:13

Хабарҳои дигари ин бахш

«ОИЛА-МАКОНИ МЕҲРУ САДОҚАТ». Таҳти чунин унвон ҳамоиш доир шуд
ИМРӮЗ — РӮЗИ БАЙНАЛМИЛАЛИИ ОИЛА. Бунёди ҷомеаи солим ва тарбияи насли ояндасоз яке аз масъалаҳои муҳими оила аст
Дар Душанбе Озмуни ҷумҳуриявии «Оилаи беҳтарин» ҷамъбаст карда мешавад
ОГОҲӢ. Дар Тоҷикистон то 17 май ҳарорати ҳаво баланд мешавад
Оила — ҷоест, ки дар он ҳама аъзои хонавода эҳсоси оромиш, амният ва ишқ намоянд. Эҳдо ба Рӯзи байналмилалии оила
Дар Шанхай вохӯрии роҳбарони сохторҳои минтақавӣ оид ба ҳолатҳои фавқулодаи минтақаҳои наздимарзии давлатҳои аъзои СҲШ доир гардид
Даври ҷумҳуриявии Фестивал-озмуни «Беҳтарин армуғон» ҷамъбаст гардид
Нахустин маротиба дар Тоҷикистон амалиёти ҷарроҳӣ бе буриш аз даҳон гузаронида шуд
Дар шаҳри Хуҷанд Рӯзи байналмилалии оила таҷлил карда шуд
Муассисаҳои тиббии Тоҷикистон бо таҷҳизоти муосир таъмин карда мешаванд
Дар Тоҷикистон оид ба дарки коррупсия таҳқиқоти маҷмуии сотсиологӣ анҷом дода шуд
Дар «Боғи Ирам» Фестивал-озмуни «Беҳтарин армуғон» доир мегардад