ВКД ҶТ ХАБАР МЕДИҲАД: ду директори собиқ бо гумони қаллобӣ боздошт шуданд

ДУШАНБЕ, 12.04.2019 /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти ду директори собиқ, ки ба  қаллобӣ даст задаанд, хабар медиҳад.

Тавре аз Вазорати корҳои дохилӣ ба АМИТ «Ховар» хабар доданд, зимни доир намудани чорабиниҳои фаврӣ-ҷустуҷӯӣ аз ҷониби кормандони милитсия муайян карда шуд, ки марди 52-солаи сокини шаҳри Душанбе ҳангоми дар вазифаи директори КВД “Сохтмони манзили дастрас” кор карданаш бо маслиҳати пешакӣ бо директори ҶДММ “Диёрсоз”, марди 41-солаи сокини кӯчаи Н.Қарабоев 25 январи соли 2018 бо роҳи фиреб ба боварии марди 37-солаи сокини пойтахт даромада, аз ӯ 310 ҳазору 80 сомонӣ гирифта, то ҳол маблағашро барнагардонидаанд.

Ба иттилои манбаъ, нисбат ба номбурдагон парвандаи ҷиноятӣ бо моддаи 247 ва 323 Кодекси ҷиноятии Ҷумҳурии Тоҷикистон оғоз карда шуда, тафтиши он идома дорад.