«Дасти булӯрин»-и Пайрав Сулаймонӣ бо забонҳои тоҷикию русӣ аз чоп баромад
ДУШАНБЕ, 31.05.2019. /АМИТ «Ховар»/. «Дасти булӯрин» бо чунин ном дар зодгоҳи Сергей Есенин маҷмӯаи ашъори лирикии Пайрав Сулаймонӣ бо забонҳои тоҷикию русӣ аз чоп баромад.
Маҷмӯа бо ибтикори Академияи илмҳои Ҷумҳурии Тоҷикистон ва Бунёди адабии Садриддин Айнӣ ба муносибати 120-солагии шоири шаҳир Отаҷон Пайрав Сулаймонӣ дар шаҳри Рязани Федератсияи Россия ба табъ расонида шуд. Дар ин китоб асосан ашъори лирикии адиби навовар, ки бозтобдиҳандаи ҳунари шоирӣ ва тозакориҳои ӯст, гирд оварда шудааст.
Ба китоб муовини сармуҳаррири Маркази тарҷумаи бадеӣ дар назди Иттифоқи нависандагони Тоҷикистон сарсухан навистааст.
Маҷмӯаи “Дасти булӯрин”-ро рассомони хушсалиқа набера ва абераи Пайрав Сулаймонӣ- Сулаймон Шарифӣ ва Озар Шарифӣ оро додаанд.
Набераи дигари шоир- Камол Обидӣ яке аз мураттибони маҷмӯа аст.
Устод Садриддин Айнӣ дар «Намунаи адабиёти тоҷик» (солҳои 1926) се шеъри Пайравро оварда, чунин шарҳ додааст: «Пайрав ошиқ аст, шеърҳои ошиқонаро аз мағзи ҷон месарояд… ашъори инқилобӣ низ иншод кардааст…»
Пайрав осори Маяковскый, Серафимович, Жаров, Фурманов ва дигар адибони русро ба забони тоҷикӣ тарҷума намудааст ва дар поягузории робитаҳои адабии халқҳои тоҷику рус саҳм гирифтааст.
Мансур СУРУШ,
шореҳи адабии АМИТ «Ховар»
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
