БА ПЕШВОЗИ РӮЗИ ҶАВОНОНИ ТОҶИКИСТОН. Дар Душанбе Фестивал–озмуни фарҳангии донишҷӯён «Истеъдод» баргузор гардид
ДУШАНБЕ, 06.05.2019 /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон имрӯз дар толори Донишгоҳи миллии Тоҷикистон даври ҷамъбастии Фестивал–озмуни фарҳангии донишҷӯён «Истеъдод» баргузор гардид. Фестивал – озмуни мазкур бахшида ба Рӯзи ҷавонони Тоҷикистон, ки ҳамасола 23 май таҷлил мегардад, роҳандозӣ шуда, дар он намояндагони Донишгоҳи миллӣ, Кумитаи кор бо ҷавонон ва варзиш, мудирони шуъбаҳои кор бо ҷавонон ва донишҷӯён иштирок намуданд.
Дар оғоз муовини Раиси Кумитаи кор бо ҷавонон ва варзиш Дилноза Аҳмадзода иброз дошт, ки шурӯъ аз соли 1998 то имрӯз бо ибтикори Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 23 май чун Рӯзи ҷавонон дар саросари ҷумҳурӣ баргузор карда мешавад. Имрӯз таваҷҷуҳ ба ҷавонон зиёд шудааст. Зеро Тоҷикистон мамлакати ҷавон ва ҷавонон аст.
Бино ба зикри номбурда, имрӯз 70 фоизи аҳолии Тоҷикистонро насли ҷавони пуриқтидори дорои зеҳниву ҷисмонӣ ташкил медиҳад. Аз ин рӯ аз ҳар як ҷавон даъват ба амал оварда мешавад, ки ба Ватан- Модари худ содиқ бошанд ва баҳри рушду нумуи он саҳм гузоранд.
«Фестивали фарҳангии донишҷӯёни муассисаҳои таҳсилоти олӣ ва миёна бо ҳадафи дарёфти чеҳраҳои нав ва рушди соҳаи фарҳанг роҳандозӣ шудааст. Дар даврҳои гузаштаи фестивал тамоми муассисаҳои таҳсилоти олӣ ва миёнаи касбии шаҳри Душанбе иштирок намуда, беҳтарин чеҳраҳои нав интихоб гардиданд. Имрӯз онҳо дар даври ниҳоии фестивал маҳорати худро нишон доданд»,- гуфт Дилноза Аҳмадзода.
Ба гуфтаи Директори Корхонаи воҳиди давлатии «Маркази ҷавонони шаҳри Душанбе»-и назди Кумитаи кор бо ҷавонон ва варзиш Дилошӯб Розиқов, дар даври аввали Фестивал –озмуни фарҳангии донишҷӯён «Истеъдод» беш аз 60 нафар донишҷӯ иштирок намуданд. Ба марҳилаи ҷамъбастӣ 17 нафар донишҷӯёни фаъол ва соҳибистеъдод, ки маҳорати хуби сарояндагиву навозандагӣ ва раққосӣ доштанд, роҳхат гирифтанд.
Дар анҷом иштирокчиёни фаъоли Фестивал –озмуни фарҳангии донишҷӯён «Истеъдод» бо туҳфаҳои Кумитаи кор бо ҷавонон ва варзиш сарфароз гардонида шуданд.
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
НИШАСТИ МАТБУОТӢ. Корхонаи «Тоҷиксуғурта» ба 588 оилаи аз офати табиӣ зарардидаи минтақаи Рашт кумаки молиявӣ расонид
Беш аз 5 ҳазор нафар дар муассисаҳои таҳсилоти ибтидоии касбӣ машғулияти касбомӯзиро хатм намуданд
ҲУКУМАТИ ЭЛЕКРОНӢ. Вазорати меҳнат, муҳоҷират ва шуғли аҳолӣ ба самти инноватсионии рақамӣ мегузарад
НИШАСТИ МАТБУОТӢ. Муҳлати таҳсил дар коллеҷҳо кам карда шуд
НИШАСТИ МАТБУОТӢ. Дар Тоҷикистон беш аз 23 ҳазор ҷойи кор таъсис дода шудааст
НИШАСТИ МАТБУОТӢ. Дар 56 корхонаи тобеи Кумитаи хоҷагии манзилию коммуналӣ системаи биллингӣ амал менамояд
НИШАСТИ МАТБУОТӢ. Дар Тоҷикистон риоя нашудани қонуни танзим 255 ҳолат камтар сабт гардидааст
Дар Душанбе ҳамоиши ҳизбиён бахшида ба қабули қатъномаи таърихии Тоҷикистон оид ба зеҳни сунъӣ баргузор шуд
Маркази миллии қонунгузорӣ 41 санади меъёрӣ-ҳуқуқиро аз экспертиза гузаронид
Намоиш-озмуни ҷумҳуриявии «Беҳтарин лоиҳаи меъморӣ ва шаҳрсозӣ» гузаронида мешавад
Ҳайати Тоҷикистон дар барномаи «Оҳанги ҷавонии Роҳи Абрешим ва мулоқот дар Чин барои сулҳ» иштирок дорад
