Душанбе мизбони Муколамаи «Осиёи Марказӣ+ Япония» гардид

Май 18, 2019 15:00

ДУШАНБЕ, 18.05.2019 /АМИТ «Ховар»/. Имрӯз  дар шаҳри Душанбе таҳти раёсати Ҷумҳурии  Тоҷикистон машварати 7-уми Муколамаи  Вазирони корҳои хориҷии «Осиёи Марказӣ+ Япония»  баргузор гардид.

Тавре хабарнигои АМИТ «Ховар» иттилоъ медиҳад,  дар  машварати мазкур Вазири корҳои хориҷии Ҷумҳурии Тоҷикистон Сироҷиддин Муҳриддин, Вазири корҳои хориҷии Ҷумҳурии Қазоқистон Бейбут Атамқулов, Вазири  корҳои хориҷии Ҷумҳурии Қирғизистон  Чингиз Айдарбеков, Вазири корҳои хориҷии Ҷумҳурии Ӯзбекистон  Абдулазиз Комилов, Вазири корҳои хориҷии Ҷопон  Таро Коно ва муовини Вазири  корҳои хориҷии Туркманистон Вепа Хаҷиев, инчунин ба ҳайси меҳмони фахрӣ Вазири корҳои хориҷии Ҷумҳурии Исломии Афғонистон  Салоҳиддин Раббонӣ  иштирок доштанд.

Хотиррасон менамоем, ки иштирокдорони ин машварат-  Вазирони  корҳои хориҷии  «Осиёи Марказӣ+Япония»-ро Асосгузори сулҳу ваҳдати миллӣ- Пешвои  миллат, Президенти Ҷумҳурии Тоҷикистон  муҳтарам  Эмомалӣ Раҳмон ба ҳузур пазируфт.

Бояд тазаккур дод, ки  вохӯрии  вазирони корҳои хориҷии ба ҷашни 17-умин солгарди Муколамаи «Осиёи Марказӣ +Япония» рост омад.

Ёдовар мешавем, ки соли 2004 Япония  иқдомеро  доир ба шакли  нави ҳамкорӣ  бо кишварҳои Осиёи Марказӣ – Муколамаи «Осиёи Марказӣ+Ҷопон»-ро   ба роҳ монд. Ҳадаф аз он   густариш ва тақвияти робитаҳои қавии  кившарҳои минтақа  бо  Япония  ва таҳкими ҳамкории минтақавӣ мебошад.

Дар зарфи ин солҳо Муколама дар таҳкими ҳамкории гуногунсоҳаи кишварҳои Осиёи Марказӣ бо Япония  нақши муассир гузошт.

Дар доираи машварати 7-уми  Муколамаи «Осиёи Марказӣ + Япония»  се ҷаласа дар мавзӯъҳои  «Ҳамкории амалии   кишварҳои аъзои  Муколамаи «Осёи Марказӣ+ Япония» дар бахши сайёҳӣ», «Ҳамкории кишварҳои аъзои Муколамаи «Осиёи Марказӣ + Япония» дар соҳаҳои   савдо, сармоя  ва рушд», инчунин «Амнияти минтақавӣ ва ҳамкории минтақавӣ» доир гардид.

Дар фарҷоми машварати 7-уми Муколамаи  Вазирони корҳои хориҷии «Осиёи Марказӣ+Япония» роҳбарони ҳайатҳои Муколама санади ниҳоӣ – «Изҳороти муштараки машварати 7-уми  Вазирони корҳои хориҷии Муколамаи «Осиёи Марказӣ+Япония»-ро ба тасвиб расониданд.

Пас аз машварати ҳафтуми вазирони корҳои хориҷии Муколамаи “Осиёи марказӣ + Япония” нишасти матбуотӣ баргузор гардид.

Май 18, 2019 15:00

Хабарҳои дигари ин бахш

Сафири Тоҷикистон бо Ректори Академияи дипломатии байналмилалии Тунис мулоқот намуд
Дар Кувайт 34-солагии Истиқлоли давлатии Ҷумҳурии Тоҷикистон таҷлил карда шуд
Сафири Тоҷикистон ба Вазири корҳои хориҷии Ҷумҳурии Тунис эътимоднома тақдим кард
Намояндаи Тоҷикистон дар Анҷумани муҳитизистии раёсати амалкунандаи САҲА иштирок намуд
Сафири Тоҷикистон бо Раиси Федератсияи корхонаҳои хурду миёнаи Корея мулоқот намуд
Дар Қатар 34-солагии Истиқлолияти Тоҷикистонро таҷлил намуданд
Сироҷиддин Муҳриддин бо фиристодаи махсуси раёсати амалкунандаи САҲА Тери Ҳакала мулоқот намуд
Дар Узбекистон ба шарафи 34-солагии Истиқлолияти Тоҷикистон барномаи фарҳангӣ баргузор гардид
Дар Риёз масъалаи ҳамкории Тоҷикистон ва Баҳрайн баррасӣ гардид
Дар Вена масъалаи рушди минбаъдаи муносибатҳои Тоҷикистон ва САҲА баррасӣ шуд
Тоҷикистон ва Гурҷистон имконияти нави ҳамкорӣ байни минтақаҳои ду давлатро баррасӣ намуданд
Дар Теҳрон Истиқлолияти давлатии Тоҷикистон таҷлил гардид