МАРҲАБО БА ИДИ АСАЛ! Занбӯрпарварон аз 50 шаҳру ноҳияҳои ҷумҳурӣ беҳтарин намуди асалро пешкаши сокинон менамоянд

Май 31, 2019 10:00

ДУШАНБЕ, 31.05.2019. /АМИТ «Ховар»/.  2 июни соли равон, соати 9:00 дар Маҷмааи савдои «Меҳргон»-и шаҳри Душанбе бо ташаббуси Вазорати кишоварзии Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Душанбе  бо иштироки беҳтарин занбӯрпарварони ҷумҳурӣ Иди асал доир мегардад. 

Тавре аз маркази матбуоти Вазорати кишоварзии Ҷумҳурии Тоҷикистон ба АМИТ «Ховар» хабар доданд, иди мазкур ба ифтихори 28-солагии Истиқлолияти давлатии Ҷумҳурии Тоҷикистон гузаронида шуда, дар он занбӯрпарварон аз 50 шаҳру ноҳияи ҷумҳурӣ беҳтарин намудҳои асалро ба намоиш ва фурӯш мегузоранд.

Аз ҷумла, занбӯрҳои асали зинда, гиёҳҳои шифобахш, шириниҳои аз асал омода гардида, асбобу лавозимоти парвариш ва ба даст овардани ҳосили асал, инчунин ҳунарҳои дастии мардумиро ба маърази тамошо ва фурӯш мегузоранд.

Зимни намоишгоҳи мазкур иштироки намояндагони Дастгоҳи иҷроияи Президенти Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе ва вазорату идораҳои дахлдор дар назар дошта шудааст.

Дар ин маъракаи идона барои интихоби асалпарвари беҳтарин озмун гузаронида мешавад. Ғолибони озмун, ки аз тарафи комиссияи тадорукот муайян мешаванд, бо сипоснома ва туҳфаҳои хотирмони Вазорати кишоварзӣ сарфароз мегарданд.

Инчунин дар Иди асал меҳмонон ва сокинони пойтахт аз барномаҳои фарҳангиву фароғатӣ рӯҳу илҳоми тоза гирифта, сипас маҳсулоти ба тамошо гузоштаро метавонанд бо нархҳои дастрас харид намоянд.

Май 31, 2019 10:00

Хабарҳои дигари ин бахш

Эмомалӣ Раҳмон: «Миқдори сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад