Муҳаммад Мустафо: «Мубориза бо терроризм ҳамкории муштараки давлатҳои ҷаҳонро тақозо менамояд»

Май 17, 2019 14:10

ДУШАНБЕ, 17.05.2019/ АМИТ «Ховар»/. «Ҷумҳурии Нигерия яке аз давлатҳои африқоӣ мебошад, ки рӯ ба рӯи терроризм қарор дошта, аз ин вабои аср зарфи солҳои охир хисороти зиёди ҷонию молӣ дидааст, хусусан аз амалҳои ниҳоят зишту даҳшатафкани гурӯҳи террористию ифрогаро ва исломии «Боко Ҳарам», ки бо амалҳои нопоку зиддиинсонии худ дар Нигерия борҳо амалҳои террористӣ анҷом додааст. Бар асари он садҳо нафар мардуми осоишта ва бегуноҳ, хусусан занону кӯдакон қурбон гардиданд»,- гуфт дар суҳбат ба хабарнигори АМИТ «Ховар» намоянда аз Ҷумҳурии Нигерия Муҳаммад Мустафо, ки ҷиҳати иштирок дар  Конфронси сатҳи баланди «Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷинояткории муташаккил» бори нахуст ба Душанбе омадааст.

Муҳаммад Мустафо афзуд, ки ӯ барои иштирок дар ин конфронси сатҳи ҷаҳонӣ, ки маҳз бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ва СММ  доир гардида истодааст, дар радифи дигар намояндагони давлатҳои ҷаҳон, ки бар зидди терроризм ва экстремизм мубориза мебаранд, ба Тоҷикистон омадааст.

Мавсуф афзуд, ки яке аз мушкилоти асосии  фаъол гардидани гурӯҳҳои террористию экстремистӣ ва  даст ба террор ва харобкорӣ задани онҳо -ин ба маблағгузории гурӯҳҳои террористӣ рабт дорад, ки аз ҷониби  созмонҳои байналмилалии террористӣ ва бархе аз давлатҳои ҷаҳон  сурат  мегирад. Дар ин росто, мубориза бо терроризм ва ифротгароӣ кори як давлат набуда, он дар шароити муосири тезутунд гардидани авзои сиёсӣ дар бархе аз манотиқи ҷаҳон  муборизаи дастаҷамъонаро тақозо дорад.  Ӯ гуфт, ки Нигерия зарфи солҳои  охир борҳо шоҳиди таҳдидҳои гурӯҳҳои террористӣ  гардидааст. Дар ин росто   дар мубориза бар зидди гурӯҳҳои террористӣ, хусусан «Боко Ҳарам», ки фаъолияти он аз ҷониби баъзе созмонҳои террористии байналмилалӣ ва баъзе давлатҳо маблағгузорӣ мегардад, бо истифода аз имконот  тақвият мебахшад.

Намояндаи Нигерия афзуд, ки дар Душанбе доир гардидани хамоиши сатҳи ҷаҳонӣ дар масъалаи мубориза бар зидди терроризм ва маблағгузории он иқдоми ҷиддӣ ва саривақтӣ дар самти мубориза бар зидди терроризм ва экстремизм буда, он бори дигар аз мавқеи Тоҷикистон дар самти таҳкими мубориза бар зидди ин зуҳуроти нангини  аср шаҳодат медиҳад.

Зеро терроризм ва экстремизм сарҳад надоранд. Аз ин рӯ, мубориза бар зидди терроризм ва экстремизм ва маблағгузории он дар шароити имрӯза ҳамкории ҷиддӣ ва дастаҷамъонаи тамоми  давлатҳои ҷаҳонро тақозо менамояд.

Май 17, 2019 14:10

Хабарҳои дигари ин бахш

Ба 60 нафар даъватшаванда дар ноҳияи Мастчоҳ шаҳодатномаи ронандагӣ супорида шуд
Дар Раёсати иҷрои ҷазои ҷиноятӣ дар вилояти Суғд иншооти нав ифтитоҳ гардид
Модарони Файзобод бо дуо ва суханҳои нек муҳофизони Ватанро ба сафи Артиши миллӣ гусел намуданд
Дар ноҳияи Рӯдакӣ сафи ихтиёриён барои рафтан ба хизмати ҳарбӣ меафзояд
Даъватшавандагони Шаҳринав сарбаландона ба хизмати ҳарбӣ гусел карда шуданд
Ҷавонони ноҳияи Зафаробод ба таври ихтиёрӣ ба сафи Қувваҳои Мусаллаҳ пайвастанд
ВАТАНРО ЧУН МОДАРИ ХЕШ ДӮСТ БОЯД ДОШТ! Ҷавонони сарбаланди шаҳри Ваҳдат хизмат дар сафи Артиши миллиро шараф меҳисобанд
Дар Панҷакент, Конибодом, Бӯстон, Ашт ва Спитамен гусели даъватшавандагон ба сафи Қувваҳои Мусаллаҳ доир шуд
Ҷавонони шаҳри Роғун сарбаландона ба сафи Қувваҳои Мусаллаҳи Тоҷикистон пайвастанд
Намояндагони Тоҷикистон дар конфронси байналмилалӣ дар Австрия иштирок намуданд
«ТАСМАИ БЕХАТАРӢ-МУҲОФИЗИ ШУМО». Дар Тоҷикистон амалиёти мақсаднок гузаронида мешавад
Дар Деваштич маросими тантанавии гусели навҷавонон ба хизмати ҳарбӣ баргузор шуд