ОФАРИН «СОРО КОМПАНИЯ»! Бозигарони ин даста Ҷоми мусобиқаи байналмилалӣ ва 2 000 000 тангаи қазоқиро ба Душанбе оварданд

Май 7, 2019 08:35

ДУШАНБЕ, 07.05.2019. /АМИТ «Ховар»/.  Чемпиони Тоҷикистон оид ба футзал дастаи  «Соро компания» дар мусобиқаи 7-уми байналмилалӣ барои ҷоизаи КБ «Олимп» ва гиромидошти хотири   Адилбек Жауиров дар шаҳри Атирауи Қазоқистон аз 1 то 5 май иштирок карда, ғолиб омад ва бо ҷом ва ҷоизаи молиявӣ ба маблағи  2 миллион тангаи қазоқӣ (5 240 доллари амрикоӣ) сарфароз гардид.

Дар бозиҳои гурӯҳӣ футзалистони «Соро компания» бар «Атирау» (Атирау)-7:0, «Окжетпес»(Кокшетау)-5:1 ва «Оралск» (Урал) – 4:1 пирӯз гардида, ба вохӯрии нимниҳоӣ баромаданд ва бо дастаи «Умирзак» (Атирау) қувва санҷиданд. Вақти асосии вохӯрӣ бо натиҷаи  2:2 ба анҷом расид. Дар задани силсилаи зарбаҳои баъдибозӣ тоҷикистониён бо нишондоди 8:7 дастболо гардида, ба финал баромаданд. Дар бозиии ниҳоӣ «Инта»-Актау ба фишори бозингарони тоҷик тоб наоварда, бо натиҷаи  4:2 шикаст хӯрд ва  «Соро компания» ғолиби мусобиқа дониста шуд.

Ёдрас мешавем, ки КФ «Соро компания» дар мавсими футзали 2018-и Тоҷикистон таҳти роҳбарии Пайрав Воҳидов бори аввал унвони чемпиониро ба даст овард. Даста акнун аз 8 то 18 августи соли равон дар Чемпионати 10-уми Осиё байни клубҳо дар Ҷумҳурии Исломии Эрон ширкат менамояд.

Май 7, 2019 08:35

Хабарҳои дигари ин бахш

Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад