Ба тарбиятгирандагони мактаб — интернати дурдасти ноҳияи Мурғоб кумаки моддӣ расонида шуд

Июнь 12, 2019 11:57

ДУШАНБЕ, 12.06.2019. /АМИТ «Ховар»/. Тибқи дастуру супоришҳои  Пешвои миллат муҳтарам Эмомалӣ Раҳмон  Донишгоҳи давлатии шаҳри Хоруғ ба номи Моёншо Назаршоев ба тарбиятгирандагони   интернати назди муассисаи таҳсилоти миёнаи умумии  №2 –и  деҳаи Тохтамиши ноҳияи Мурғоби Вилояти Мухтори Кӯҳистони Бадахшон  ба маблағи 21 ҳазор сомонӣ маводи хӯрока, либосворӣ ва  таҷҳизоти техникӣ кумак  намуд.  

Тавре ба мухбири АМИТ «Ховар» Файз Мирасан  ректори  донишгоҳ Шермамад Ҷонмамадов  иттилоъ дод,  муассисаи  онҳо  дар асоси супориши Пешвои миллат, Президенти мамлакат  муҳтарам Эмомалӣ Раҳмон шурӯъ  аз соли 2012 то инҷониб   сарпарастии мактаб – интернати мазкурро   ба уҳда дошта,  ҳамасола ба хонандагони он  кумаки моддӣ мерасонад.

«Пешвои миллат ба донишгоҳи мо дастур дод, ки тарбиятгирандагони интернатро аз ҷиҳати моддию маънавӣ дастгирӣ намоем. Баъди супориши Роҳбари давлат  донишгоҳ бо ин муассисаи таълимӣ робита барқарор кард ва акнун ҳамасола барои хонандагони он  кумаки моддию маънавӣ мерасонад»,- афзуд ректор.

Декани факултети филологияи тоҷики донишгоҳи мазкур Азатшо Насриддиншоев, ки ин корвони кумакро ба дасти кӯдакону наврасон расонд, изҳор намуд, ки аз 146 хонандаи муассисаи таҳсилоти миёнаи умумии  №2 –и деҳаи Тохтамиш 20 нафари онҳо дар интернати назди мактабӣ таҳсил мекунанд.

«Мо барои хонандагон 3 компютер, 10 халта орд, маводи хӯрока, аз ҷумла равғану шакар, марҷумаку биринҷ ва ҳамчунин 100 ҷуфт поафзоли варзишӣ  тақдим кардем», -илова кард номбурда.

Директори мактаб- интернати зикршуда  Рисбой Ҷунуев ба Ҳукумати Ҷумҳурии Тоҷикистон, махсусан ба   Пешвои миллат барои ғамхорию дастгирии оилаҳои камбизоат ва кӯдакони ятим изҳори сипос намуда, гуфт, ки «мактаби мо дар дурдастарин минтақаи Тоҷикистон ҷойгир аст  ва қадам ранҷа намудани ҳар меҳмон моро  хушҳол мегардонад. Бачаҳо  аз устодони донишгоҳ  на танҳо кумаки модӣ мегиранд,  балки аз суҳбати онҳо доир ба донишомӯзӣ, аз ҷумла аз худ намудани илмҳои муосиру ҳамқадами замон шудан ва дигар чорабиниҳои маърифатие, ки барои онҳо доир месозанд, ғизои маънавӣ мегиранд. Аз ин рӯ, ҳар сол омадани онҳоро бесаброна интизорӣ мекашанд».

«Донишгоҳи давлатии шаҳри Хоруғ ягона муассисаест, ки  вазифа ва рисолати худро содиқона иҷро мекунад ва мактаби моро ҳаматарафа дастгирӣ менамояд», — изҳори миннатдорӣ кард номбурда.

Июнь 12, 2019 11:57

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд