БА ТАВАҶҶУҲИ ҲАВОДОРОНИ ФУТБОЛ! 7 июн дар Душанбе бозии дӯстонаи футболбозони тоҷику афғон баргузор мегардад

Июнь 6, 2019 08:14

ДУШАНБЕ, 06.06.2019. /АМИТ «Ховар»/. Тавре қаблан иттилоъ додем, 7 июн, соати 19:00 дар Варзишгоҳи марказии шаҳри Душанбе футболбозони тоҷик бозии аввали дӯстонаи худро бо  футболбозони афғон баргузор менамоянд. Бозии дуюми дастаи мунтахаби футболи Тоҷикистон 11 июни соли равон   дар шаҳри Гуанҷоу бо дастаи мунтахаби Чин доир мешавад.

Алҳол дастаи мунтахаби милии футболи Тоҷикистон дар Варзишгоҳи марказии ҷумҳуриявии шаҳри Душанбе  ба  ин бозиҳои дӯстона   омодагӣ дорад.

Тибқи хабари сомонаи расмии Федератсияи футболи Тоҷикистон Алишер Ҷалилов, ки бори аввал аз ҷониби сармураббии дастаи мунтахаби Тоҷикистон   Усмон Тошев ба ҳайати даста даъват шудааст, бо сабаби ҷароҳат доштанаш дар бозиҳои дӯстона иштирок карда наметавонад.

Усмон Тошев боварӣ дорад, ки Алишер Ҷалилов то бозиҳои байналмилалии «Intercontinental Cup 2019», ки моҳи июл бо ширкати дастаҳои мунтахаби Сурия, Ҳиндустон ва Кореяи Шимолӣ гузаронида хоҳанд шуд, шифо ёфта, ба  дастаи мунтахаб  барои ба даст овардани ғолибият   кумак мерасонад.

 

Бозиҳои дӯстона
7 июн (ҷумъа)

Тоҷикистон – Афғонистон

Душанбе, Варзишгоҳи марказии ҷумҳуриявӣ

11 июн (сешанбе)

Чин – Тоҷикистон

Гуанҷоу, Чин

Июнь 6, 2019 08:14

Хабарҳои дигари ин бахш

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд
Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд
ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
БОЗИҲОИ 2-ЮМИ ЗИМИСТОНАИ «БАЧАҲОИ ОСИЁ». Дилшод Назаров ва Владимир Максимов иштироки ҳайати Тоҷикистонро баррасӣ намуданд
Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд
Имрўз дар Тошканд Чемпионати ҷаҳон оид ба гӯштини дзюдо оғоз мешавад
ҶОМИ ОСИЁ-2023 ОИД БА ФУТБОЛ. Тоҷикистон дар аввалин бозӣ бар дастаи мунтахаби наврасони Муғулистон ғолиб омад
ҶОМИ ОСИЁ ОИД БА ФУТЗАЛ. Тоҷикистон бо ду ғалаба ва ду бохт бозиҳои Ҷоми Осиё-2022-ро анҷом дод
Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд

Хабарҳои муҳимтарин