МАСЪАЛАҲОИ МУБРАМИ ЖУРНАЛИСТИКА. Ду китоби устодон ва олимони ҷавони Донишгоҳи давлатии Хуҷанд ба номи академик Бобоҷон Ғафуров ба нашр расид
ДУШАНБЕ, 20.06.2019 /АМИТ «Ховар»/. Бахшида ба Солҳои рушди деҳот, сайёҳӣ ва ҳунарҳои мардумӣ китобҳои «Масъалаҳои мубрами журналистика» ва «Масъалаҳои матбуоти маҳаллии ҳавзаи Суғд дар шароити ҷаҳонишавӣ» аз чоп баромаданд.
Тавре аз Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, ин китобҳо маҷмӯаи ҳайати устодон, олимони ҷавон, аспирантон ва магистрантони кафедраи журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Ғафуров мебошад, ки тариқи нашриёти «Ношир» дастраси хонандагон гардид.
Тибқи иттилои манбаъ, ин ду маҷмӯа мақолаҳои устодон ва олимони ҷавони соҳаро дар мавриди саҳми журналистика дар рушди ҷомеа гирд оварда, фарогири масъалаҳои мубрами соҳаи мазкур мебошад. Мутахассисон муаммо ва мушкилоти журналистикаи мамлакатро дар пажӯҳишоти хеш баррасӣ намудаанд. Дар мақолаҳо вазъи матбуоти маҳаллӣ дар шароити ҷаҳонишавӣ бозгӯ шудаанд.
Ташаккули меъёрҳои этикаи касбӣ, Истиқлолият ва журналистикаи сиёсӣ, махсусиятҳои он дар ҷомеаи иттилоотӣ, ҷойгоҳи жанрҳои журналистӣ, инъикоси муаммоҳои ҷаҳонӣ низ аз ҷумлаи мавзӯъоти ҳаллу фаслшудаи ин китобҳои тозанашр мебошанд.
Бояд гуфт, ки маводи маҷмӯаҳо барои мутахассисони соҳаи журналистика, муҳаққиқон ва рӯзноманигорони ҷавони ҷумҳурӣ дастурамали хуби корӣ буда метавонад.
Дар Душанбе Анҷумани XVI нависандагони Тоҷикистон баргузор гардид
Имрӯз дар Боғи Куруши Кабир «Кӯчаи сайёҳии мавсимӣ» ифтитоҳ мегардад
«ЧЕҲРАИ МИЛЛАТ». Таҳти чунин унвон ба ифтихори Рӯзи Президент китоб ба нашр расид
10 нафар омӯзгор ва донишҷӯйи Донишгоҳи техникӣ дар Озмуни ҷумҳуриявии «Илм – фурӯғи маърифат» соҳиби ҷойҳои намоён гардиданд
Ҳунарҳои миллӣ бо усули «хона ба хона», «деҳа ба деҳа» ва «маҳал ба маҳал» тарғиб карда мешаванд
Симпозиуми байналмилалии «Хутали қадим- пойгоҳи зуҳури забони тоҷикӣ, тамаддуни бостонӣ ва ирфонии минтақаи Осиёи Марказӣ» баргузор мегардад
Дар Иёлоти Муттаҳидаи Амрико Рӯзҳои фарҳанги Тоҷикистон баргузор мегарданд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
ТЕАТР — ОИНАИ ЗИНДАГӢ. Дар Душанбе шаш театри касбӣ фаъолият мекунад
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
7 НОЯБР- РӮЗИ ТЕАТРИ ТОҶИК. Театри миллии Тоҷикистон бо шароити ҷавобгӯ ба талаботи сатҳи ҷаҳонӣ бунёд гардида истодааст
