Бонки «Credit Suisse» — Швейтсария ният дорад ба бозори молиявии Тоҷикистон ворид гардад

Июль 20, 2019 15:06

ДУШАНБЕ, 20.07.2019/АМИТ «Ховар»/. Тақвияти ҳамкории судманди Бонки миллии Тоҷикистон бо бонки «Credit  Suisse»-и Швейтсария дар мулоқоти муовини аввали раиси Бонки миллии Тоҷикистон Ҷамолидин Нуралиев  бо роҳбари ҳайати бонки «Credit  Suisse»-и Швейтсария Лахос Фаркас, ки бо сафари корӣ дар Ҷумҳурии Тоҷикистон қарор доранд, дар Душанбе баррасӣ гардид. Дар ин хусус ба АМИТ «Ховар» аз шуъбаи матбуоти Бонки миллии Тоҷикистон иттилоъ доданд.

 Ҷамолиддин Нуралиев ва намояндагони бонки «Credit Suisse», масъалаҳои рушди иқтисодию иҷтимоӣ, вазъи кунунии низоми бонкии мамлакат, дурнамои рушди соҳа дар давраи миёнамуҳлат ва дарозмуддат мавриди баррасӣ қарор доданд. Инчунин мусоҳибон  имконияти ба роҳ мондани ҳамкории дуҷониба дар бахши молиявӣ тавассути амалиёти байнибонкӣ ва барқарор намудани суратҳисобҳои муросилотиро матраҳ намуданд.

Муовини аввали раиси БМТ Ҷамолиддин Нуралиев диққати меҳмононро ба самтҳои муҳим ва афзалиятнок, аз ҷумла низоми бонкӣ ҷалб намуда, таъкид намуд, ки Бонки миллии Тоҷикистон бо ташкилотҳои байналмилалии молиявӣ ҳамкории судманд дошта,  бонки «Credit Suisse»метавонад дар ҷумҳурии мо бо имкониятҳои бештару хубтар ва ба манфиати ҳарду ҷониб ба бозори молиявӣ ворид гардида, дар рушди иқтисоди Ҷумҳурии Тоҷикистон саҳмгузор бошад.

Дар мулоқот роҳбари ҳайати «Credit Suisse» Лахос Фаркас омодагии худро ҷиҳати мусоидат барои ба роҳ мондани ҳамкории  дуҷонибаи судманд изҳор дошт.

Бояд тазаккур дод, ки бонки «Credit Suisse»- яке аз бонкҳои пешрафта ва дорои таҷрибаи ғанӣ дар соҳаи бонкдорӣ, сармоягузорӣ ва молия маҳсуб ёфта, дар 50 давлати ҷаҳон  намояндагиҳои худро  таъсис додааст, ки фаъолияти муваффақ доранд.

 

Июль 20, 2019 15:06

Хабарҳои дигари ин бахш

Дар вилояти Суғд масъалаи насби панелҳои офтобӣ баррасӣ гардид
Сарвазири Ҷумҳурии Тоҷикистон бо Вазири сармоягузории Подшоҳии Арабистони Саудӣ мулоқот намуд
Ҷаласаи Комиссияи муштараки байниҳукуматии Тоҷикистон ва Арабистони Саудӣ баргузор гардид
Дар Рим ҳамкории Тоҷикистон ва Созмони озуқаворӣ ва кишоварзии СММ баррасӣ шуд
Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
Баҳодур Шерализода ва Татяна Молчан Барномаи давлатии рушди маърифат ва фарҳанги экологиро баррасӣ намуданд
Имконоти сармоягузории Тоҷикистон дар соҳаи коркард ва истихроҷи маъданҳои кӯҳӣ дар доираи ҷаласаи канорӣ баррасӣ шуданд
Абдулло Орифов: «Душанбе Инвест-2025» ба рушди минбаъдаи иқтисоди Тоҷикистон ва тамоми минтақа такони ҷиддӣ мебахшад
Эмомалӣ Раҳмон: «Тоҷикистон ба маркази калидии нақлиётӣ ва энергетикӣ дар Осиёи Марказӣ табдил меёбад»
Ҳамкории Тоҷикистон ва Хазинаи байналмилалии асъор баррасӣ гардид
ИНФРАСОХТОРИ «САБЗ» ВА ЭНЕРГИЯИ «ТОЗА». Дар доираи Форуми байналмилалии сармоягузории «Душанбе Инвест-2025» чорабинии канорӣ доир шуд
Пагоҳ ҷаласаи Комиссияи байниҳукуматии Ҷумҳурии Тоҷикистон ва Давлати Қатар оид ба ҳамкории иқтисодию тиҷоратӣ баргузор мегардад