Дар шаҳри Хоруғ бунёди бинои нави «Амонатбонк» оғоз ёфт

Июль 3, 2019 14:57

ХОРУҒ, 03.07.2019 /АМИТ «Ховар»/. Бинокорони Ҷамъияти масъулияташ маҳдуди «Парвиз-92» ба сохтмони бинои нави бахши вилоятии Бонки давлатии амонатгузории «Амонатбонк» шурӯъ карданд. Бино аз чаҳор ошёна иборат буда, дар хиёбони марказӣ ва дар канори дарёи  Ғунд ҷойгир аст.

Ба қавли муҳандиси сохтмон Мамадалӣ Саидов, онҳо қитъаи заминро тахту ҳамвор намуда, ба бунёди таҳхонаи бино оғоз карданд. Ҳоло се техника ва 10 сокини маҳаллӣ ба кор ҷалб шудаанд ва рӯзҳои наздик шумораи коргарон афзоиш хоҳад ёфт. Мутобиқи лоиҳа, бино чорошёна буда, барои кормандони ҳар як бахшу шуъба утоқҳои алоҳидаи корӣ, гӯшаҳои мухталифи  маркази хизматрасонӣ, мошинсаро ва дигар ҷузвҳо иборат аст. Барои бунёди бино Ҳукумати мамлакат 11 миллион сомонӣ ҷудо кардааст. Дар асоси нақша бинои мазкур дар муддати яку ним сол мавриди баҳрабардорӣ қарор мегирад.

Ба гуфтаи сардори бахши вилоятии БДА «Амонатбонк» Зайнаб Мамадназарзода, биное, ки ҳоло дар он фаъолият мекунанд, охири солҳои панҷоҳуми асри гузашта  сохта шудааст ва ба шароити имрӯза комилан номутобиқ аст. Ин дар ҳолест, ки сол то сол теъдоди мизоҷони мо рӯ ба афзоиш дорад.  Ба сабаби танг будани масоҳати толори хизматрасонӣ ва вуҷуд надоштани ҳавлӣ  мизоҷон маҷбур мешаванд, ки берун аз бино, дар роҳи пиёдагард навбатро интизор шаванд.

Сардори бахши вилоятии  «Амонатбонк» гуфт: “бо ирсоли як нома аз Пешвои миллат хоҳиш кардем, ки дар ҳалли ин масъала моро дастгирӣ намоянд ва баъди чанд муддат Мақомоти иҷроияи ҳокимияти давлатии шаҳри Хоруғ қитъаи замин ва Ҳукумати кишвар барои бунёди бино 11 миллион сомонӣ ҷудо кард”.

Ба нақли номбурда, бинои нави бонк дар ҷои муносибу мувофиқ барои мизоҷон бунёд мегардад.  Аз як тарафи он бозори марказии шаҳр ва аз тарафи дигар терминали мусофирашонӣ ҷой гирифтааст.

Июль 3, 2019 14:57

Хабарҳои дигари ин бахш

Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд
Сарвазири Тоҷикистон Қоҳир Расулзода бо Раиси Ҳукумати Федератсияи Русия Михаил Мишустин мулоқот намуд
Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ баррасӣ шуд
Рушди инноватсионии Тоҷикистон дар чаҳорчӯби Форуми байналмилалии инноватсия дар Москва муаррифӣ карда шуд
Дар Вашингтон дурнамои ҳамкории тиҷоратию иқтисодии Тоҷикистон ва Амрико баррасӣ гардид
Дар Москва ҷаласаи роҳбарони мақомоти зиддиинҳисории давлатҳои аъзои Созмони ҳамкории Шанхай баргузор шуд