Дар Женева дастовардҳои соҳаи савдои Ҷумҳурии Тоҷикистон муаррифӣ гардиданд
ДУШАНБЕ, 03.07.2019. /АМИТ «Ховар»/. Дастовардҳои соҳаи савдои Ҷумҳурии Тоҷикистон дирӯз дар ҷаласаи солонаи 53-юми Гурӯҳи муштараки машваратии Маркази Байналмилалии Савдо дар шаҳри Женева муаррифӣ гардиданд.
Зимни суханронӣ муовини якуми Вазири рушди иқтисод ва савдои Ҷумҳурии Тоҷикистон Завқӣ Завқизода дар ҷаласаи солонаи 53-юми Гурӯҳи муштараки машваратии Маркази Байналмилалии Савдо (МБС) дастовардҳои соҳаи савдои мамлакатро баъд аз шомилшавӣ ба Созмони Умумиҷаҳонии Савдо (СУС) муаррифӣ намуд.
З. Завқизода аз ҳамкории судманд бо ҷониби МБС изҳори қаноатмандӣ намуда, дастовардҳои Ҷумҳурии Тоҷикистонро дар доираи иҷрои ҳадафу афзалиятҳои ҳуҷҷатҳои стратегии кишвар, махсусан дар самтҳои иштироки ҷумҳурӣ дар СУС, тақвияти рушди содирот, тезонидани ҷараёни диверсификатсияи истеҳсолоти ба содирот нигаронидашуда ва содагардонии расмиёти савдо муаррифӣ намуд.
Зикр гардид, ки дар натиҷаи ислоҳоти татбиқгардида ҳиссаи содирот дар гардиши савдои хориҷӣ аз 20% дар соли 2015 ба 25,4% дар соли 2018, шарикони савдои мамлакат аз 90 ба 110 ва номгӯи маҳсулоти содиршуда аз 150 ба 480 адад зиёд шуданд.
Дар доираи кумакҳои техникӣ ва молиявии МБС иштироки зиёда аз 1200 нафар кормандони вазорату идораҳо ва намояндагони бахши хусусӣ дар семинарҳои омӯзишӣ, таҳияи лоиҳаи Стратегияи рушди саноати нассоҷӣ ва дӯзандагии Ҷумҳурии Тоҷикистон барои солҳои 2016-2025 ва таъсиси Портали Савдои Тоҷикистон ҳамчун корҳои иҷрошуда зикр гардиданд.
Иштирокчиёни ҷаласа ба дастовардҳои Ҷумҳурии Тоҷикистон дар самти савдо ва иштироки фаъолона дар фаъолияти СУС баҳои баланд доданд. Маркази Байналмилалии Савдо омодагии худро барои зиёд намудани кумаку дастгириҳо ба Ҷумҳурии Тоҷикистон дар ин самтҳо иброз намуд.
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
