Давлатшоҳ Гулмаҳмадзода: «Набудани нуқтаҳои партов аз мушкилоти асосӣ дар деҳот мебошад»
ДУШАНБЕ, 16.07.2019 /АМИТ «Ховар»/. Имрӯз зимни нишасти матбуотӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Давлатшоҳ Гулмаҳмадзода ба саволи хабарнигори АМИТ «Ховар» дар мавриди набудани нуқтаҳои партов дар деҳотҷойҳо посух дода, гуфт, ки дарвоқеъ, камбуди ин нуқтаҳо аз мушкилоти асосӣ дар деҳот ба ҳисоб меравад.
Бино ба зикри номбурда, имрӯз дар аксарияти шаҳру деҳот чунин мавзеъҳо мавҷуд нестанд. Ҳоло аз тарафи Кумита барномаҳое, ба мисли «Маърифати экологӣ» қабул карда шудаанд, ки мақсади асосии онҳо корҳои фаҳмондадиҳӣ доир ба ҳифзи муҳити зист ва тоза нигоҳ доштани атроф мебошад.
Бино ба иловаи сардори шуъбаи истифодаи ҳифзи замин ва ҷойгиронии муомилот бо партовҳои Кумитаи ҳифзи муҳити зист Мақсадулло Мардонов, ҳоло бо пешниҳоди Кумита дар вилояти Суғд дар назди ҳар ҷамоат Муассисаи хоҷагии коммуналӣ ташкил карда шудааст, ки вазифаи асосии онҳо ҷамъ кардани партовҳо аз маҳалҳо мебошад.
«Ташкили ин гуна муассисаҳо дар аксар шаҳру ноҳияҳо пешниҳод шудааст ва он бояд дар оянда ҳалли худро пайдо намояд. Ҳоло бо қарори раиси шаҳри Ҳисор ин гуна муассисаҳо дар назди ҷамоатҳо ташкил шуда, фаъолият доранд»,- гуфт Мақсадулло Мардонов.
Ҳамчунин номбурда аз он изҳори нигаронӣ намуд, ки аксар маҳаллаҳо дар баландиҳо ҷойгиранд. Ҳангоми партофтани партовҳо ба ҷарӣ ва нишебиҳо дар натиҷаи боришоти атмосферӣ онҳо шуста шуда, ба поёноб ҳамроҳ мешаванд ва дар тобистон метавонанд касалиҳои сироятиро ба вуҷуд оранд. Аз ин рӯ ин масъала ҷиддӣ буда, ҳалли он дар сатҳи ҷумҳуриявӣ мавриди баррасӣ қарор дорад.
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
