Ширкатҳои сайёҳии Тоҷикистон дар Самарқанд захираҳои сайёҳии мамлакатро муаррифӣ менамоянд

Июль 10, 2019 10:20

ДУШАНБЕ, 10.07.2019/АМИТ «Ховар»/. Панҷ  ширкати сайёҳии Тоҷикистон, назири «Сайру саёҳат», «Ховалинг фриленд эдвенча», «Морхӯр», «Сайру саёҳати кӯҳӣ» ва «Куҳандиз» имконияту захираҳои туристии Тоҷикистонро дар нахустин  ярмаркаи сайёҳӣ, ки дар шаҳри қадимию сайёҳии Самарқанд дирӯз оғоз гардид, муаррифӣ менамоянд. Дар ин бора ба АМИТ «Ховар» мутахассиси пешбари бахши муносибатҳои байналмилалии  Кумитаи рушди сайёҳии назди Ҳукумати  Ҷумҳурии Тоҷикистон Азиза Иброҳимова иттилоъ дод.

Нахустин ярмаркаи сайёҳӣ  майдони фарохеро барои муаррифӣ ва шинохти иқтидору зарфиятҳои сайёҳии кишварҳои ИДМ, табодули таҷриба ва навгониҳои сайёҳӣ, фаъол гардонидани иртиботот ва муколама байни идораю ширкатҳои  сайёҳӣ  ва тиҷорати сайёҳӣ фароҳам меорад.

Дар ярмарка ширкатҳои сайёҳии кишварҳои ИДМ маҳсулот ва имкониятҳои сайёҳии кишварҳояшонро ба маърази тамошо мегузоранд.  Интизор меравад, ки аз ярмарка роҳбарону намояндагони вазорату идораҳои соҳавӣ, мақомоти ҳокимияти маҳаллӣ, намояндагони корпуси дипломатӣ ва созмонҳои байналмилалии мустақар дар Ӯзбекистон ва намояндагони доираҳои тиҷоратии сайёҳии ИДМ боздид намоянд.

Бояд тазаккур дод, ки нахустин ярмаркаи сайёҳии кишварҳои ИДМ дар доираи  баргузории ҷаласаи  навбатии Шӯрои сайёҳии кишварҳои ИДМ, ки  дирӯз дар шаҳри  бостонии  Самарқанд оғоз ёфт, гузаронида мешавад.

Июль 10, 2019 10:20

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд