Бозиҳои аввали даври ¼-ниҳоии Ҷоми Тоҷикистон ба анҷом расиданд

ДУШАНБЕ, 23.08.2019 /АМИТ «Ховар»/. Бозиҳои  аввали  даври ¼-ниҳоии Ҷоми Тоҷикистон-2019 доир гардиданд. Дар ин давр дастаҳои пешсафи Лигаи олӣ- «Истиқлол»-и  Душанбе ва «Хуҷанд»-и Хуҷанд  тавонистанд дар сафар пирӯз шаванд. Дар ин бора мухбири АМИТ «Ховар» бо истинод ба  Федератсияи футболи Тоҷикистон хабар  медиҳад.  

Тибқи иттилои манбаъ,  дастаи футболи «Истиқлол»-и Душанбе    дастаи «Эсхата»-и Хуҷандро  бо натиҷаи 1:2 мағлуб кард. Дастаи  футболи «Хуҷанд»  бар дастаи «Хатлон»–и Бохтар бо ҳисоби   0:2  ғолиб омад.

Дар бозиҳои дигари  ин давр дастаҳои   КМВА «Помир» бо  «Регар-ТадАЗ»   бо ҳисоби  мусовии  1:1 ва  дастаи  «Ҳулбук»   бар дастаи «Дӯстӣ»  бо ҳисоби   2:1  дастболо шуданд.

Ҷоми Тоҷикистон-2019

Даври 1/4 ниҳоӣ. Бозиҳои аввал

«Хатлон» – «Хуҷанд» – 0:2

«Эсхата» – «Истиқлол» – 1:2

КМВА «Помир» – «Регар-ТадАЗ» – 1:1

«Ҳулбук» – «Дӯстӣ» – 2:1

Ёдовар мешавем, ки 27 август  байни ин дастаҳо бозиҳои ҷавобии даври ¼-ниҳоии Ҷоми Тоҷикистон  баргузор мешаванд.