Дар Душанбе маросими имзои ёддоштҳои табодулӣ байни Тоҷикистон ва Япония баргузор гардид

Август 20, 2019 13:00

ДУШАНБЕ, 20.08.2019 /АМИТ «Ховар»/. Имрӯз дар Вазорати корҳои хориҷии Ҷумҳурии Тоҷикистон маросими мубодилаи ёддоштҳо байни Ҳукумати Ҷумҳурии Тоҷикистон ва Ҳукумати Япония оид ба лоиҳаҳои «Таҷдиди роҳи мошингарди Душанбе-Бохтар, қитъаи Қизилқалъа-Бохтар» (марҳилаи якум, корҳои лоиҳакашӣ) ва «Таҷдиди роҳи мошингарди Душанбе-Бохтар, қитъаи Қизилқалъа-Бохтар» (марҳилаи дуюм, корҳои сохтмонӣ) баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Ёддоштҳои табодулӣ аз ҷониби Вазири корҳои хориҷии Ҷумҳурии Тоҷикистон  Сироҷиддин Муҳриддин ва Сафири Фавқулода ва Мухтори Япония дар Ҷумҳурии Тоҷикистон Ҳаҷиме Китаока ба имзо расиданд.

Ёдовар мешавем, ки муносибатҳои дипломатӣ байни Ҷумҳурии Тоҷикистон ва Япония 2 феврали соли 1992 барқарор шудаанд. Япония истиқлолияти Ҷумҳурии Тоҷикистонро 28 декабри соли 1991 эътироф намудааст. Сафорати Ҷумҳурии Тоҷикистон дар Япония 28 ноябри соли 2007 ифтитоҳ ёфтааст ва Сафорати Япония дар Ҷумҳурии Тоҷикистон 26 январи соли 2002 кушода шудааст.

Дар ин давраи муносибатҳои дипломатӣ миёни ду давлат барои таъмиқи минбаъдаи ҳамкории амалӣ заминаи хубе бунёд гардида, аз ҳама муҳим – сатҳи баланди мушорикат, эътимоди тарафайн ва эҳтиром ба даст омадааст.

 

Август 20, 2019 13:00

Хабарҳои дигари ин бахш

Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд