Имрӯз дар Душанбе ҷаласаи Шӯрои ҳамоҳангсозии роҳбарони мақомоти тафтишоти молиявии давлатҳои аъзои ИДМ доир мегардад
ДУШАНБЕ, 23.08.2019. /АМИТ «Ховар»/. 23 август дар шаҳри Душанбе ҷаласаи навбатии Шӯрои ҳамоҳангсозии роҳбарони мақомоти тафтишоти молиявии давлатҳои аъзои Иттиҳоди Давлатҳои Мустақил баргузор мегардад, иттило медиҳад хабарнигори АМИТ «Ховар» бо истинод ба Кумитаи иҷроияи ИДМ.
Ҷаласаи навбатӣ ба фаъолияти мақомоти тафтишоти молиявии давлатҳои аъзои Иттиҳоди Давлатҳои Мустақил оид ба масъалаҳои таъмини амнияти иқтисодии кишварҳои худ, таҳким ва такмили ҳамкорӣ дар заминаи ҳамгироии минбаъдаи иқтисодӣ, чораҳои мубориза бар зидди ҷинояткорӣ дар бахши қарзию молиявӣ ва дигар масъалаҳои соҳа бахшида мешавад.
Иштирокчиёни ҷаласа пешниҳодҳоро оид ба такмили қонунгузории миллӣ, инчунин ташаббусҳо оид ба рушди заминаи ҳуқуқии ҳамкории байналмилалиро дар мақомоти ҳифзи ҳуқуқи кишварҳои Иттиҳод баррасӣ мекунанд.
Ёдовар мешавем, ки Шӯрои ҳамоҳангсозии роҳбарони мақомоти тафтишоти молиявии кишварҳои аъзои ИДМ соли 2000 бо мақсади ҳамкорӣ дар мубориза бо қонунвайронкунии молиявӣ таъсис дода шуд. Вазифаҳои асосии он табодули иттилоот, таҳияи тавсияҳо ва пешниҳодҳо барои ошкор, пешгирӣ ва рафъи ин ҷиноятҳо мебошанд. Илова бар ин, Шӯрои ҳамоҳангсозии роҳбарони мақомоти тафтишоти молиявии кишварҳои аъзои ИДМ ба такмил ва ҳамоҳангсозии қонунгузории миллии давлатҳои Иттиҳод ва таҳияи заминаи ҳуқуқии ҳамкории байналмилалӣ дар мубориза бо қонунвайронкуниҳои молиявӣ мусоидат мекунад.
Давлатҳои Тоҷикистон, Озарбойҷон, Арманистон, Беларус Қазоқистон, Қирғизистон, Молдова, Россия, Ӯзбекистон ва Украина аъзои ваколатдори Шӯрои ҳамоҳангсозии мақомоти молиявӣ ба ҳисоб мераванд.
Хусусияти иҷтимоии Буҷети давлатии Тоҷикистон нигоҳ дошта шудааст
Намояндагони бахши сайёҳии Тоҷикистон бо таҷрибаи ширкатҳои сайёҳии Гурҷистон шинос гардиданд
Дар Душанбе даври сеюми Фестивали «Таомҳои миллӣ» ва озмуни «Зеби дастархон» ҷамъбаст гардид
Кумитаи андоз: «Ба буҷети ҷумҳуриявӣ аз ҳисоби ҷаримаҳо зиёда аз 200 миллион сомонӣ ворид гардид»
Ҳаҷми умумии даромади Буҷети давлатӣ дар сатҳи 107,9 фоиз иҷро гардид
НИШАСТИ МАТБУОТӢ. Аз вилояти Хатлон дар шаш моҳ беш аз 200 ҳазор тонна маҳсулоти саноатӣ содирот гардидааст
НИШАСТИ МАТБУОТӢ. Дар шаш моҳ 1267 ҷинояти коррупсионӣ ва иқтисодии дорои хусусияти коррупсионӣ ошкор шуд
Аз ҳисоби андозҳо ва пардохтҳои ҳатмӣ ба буҷети давлатӣ зиёда аз 9 миллиард сомонӣ ворид гардид
НИШАСТИ МАТБУОТӢ. Корхонаҳои Ёвон ба хориҷи Тоҷикистон беш аз 100 ҳазор тонна семент содирот намуданд
Дар нишасти Остона масъалаи азнавпайвастшавии Тоҷикистон ба низоми ягонаи энергетикии Осиёи Марказӣ баррасӣ шуд
Бонки миллии Тоҷикистон узви «Sustainable Banking and Finance Network» ва «Network for Greening the Financial System» гардид
