Кумитаи ҳолатҳои фавқулода ва мудофиаи гражданӣ: ҷустуҷӯи ҷасади сайёҳи рус идома дорад
ДУШАНБЕ, 19.08.2019. /АМИТ «Ховар»/. Ҷустуҷӯи ҷасади сайёҳи рус, ки ба дарёи Хингоб афтодааст, идома дорад. Дар ин бора АМИТ «Ховар» бо истинод ба маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад.
Ба иттилои манбаъ, ин сайёҳ 13 август дар ҳудуди ноҳияи Сангвор ҳангоми гузаштан аз пул ба дарёи Хингоб афтодааст.
«Наҷотдиҳандагони Кумитаи ҳолатҳои фавқулода ва мудофиаи гражданӣ рӯзи ҳафтум аст, ки ҷасади Ирина Третяковаи 60-соларо меҷӯянд, вале то ҳол аз ӯ нишоне пайдо нест», — омадааст дар хабарномаи Кумита.
Гуфта мешавад, ки номбурда ҳамроҳ бо панҷ нафари дигар аз Россия ба Тоҷикистон ба саёҳат омадааст. Чор тани онҳо шаҳрвандони Россия ва як нафар сокини шаҳри Турсунзодаи Ҷумҳурии Тоҷикистон мебошанд.
Третякова Ирина Олеговна, соли таваллуд 1959, Колпаков Александр Василевич, соли таваллуд 1988, Колпаков Алексей Александрович, соли тавалуд 1988, Ретман Георгий Гиоргевич, соли таваллуд 1941 ва Ким Виктория Семёновна, соли таваллуд 1962 сайёҳоне мебошанд, ки Кумитаи ҳолатҳои фавқулода ва мудофиаи гражданӣ номи онҳоро дар сомонаи расмияш нашр намуд.
Ба иттилои манбаъ, ҳоло кормандони вазорату идораҳои дахлдор ба макони ҳодиса сафарбар гардидаанд ва ҷустуҷӯи ҷасади ин сайёҳ идома дорад.
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
