Дар Душанбе Форуми ҷумҳуриявии «Баланд бардоштани маърифати сиёсиву ҳуқуқии занону ҷавондухтарон – омили рушди суботи ҷомеа» доир мегардад

Сентябрь 26, 2019 15:45

ДУШАНБЕ, 26.09.2019. /АМИТ «Ховар»/. 9 октябр дар шаҳри Душанбе таҳти унвони «Баланд бардоштани маърифати сиёсиву ҳуқуқии занону ҷавондухтарон – омили рушди суботи ҷомеа» Форуми ҷумҳуриявии занони Тоҷикистон баргузор мегардад.

Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» иттилоъ доданд, форуми мазкур таҳти сарпарастии Сафири Созмони байналмилалии «Занони сиёсатмадори роҳбар» Раҳмон Озода Эмомалӣ бо иштироки доираи васеи ҷавондухтарони фаъол, кормандони ҷавони вазорату идораҳо ва занони баруманди мамлакат доир карда мешавад.

Ба иттилои манбаъ, Форуми мазкур аз ҷониби Кумита дар ҳамкорӣ бо вазорату идораҳо, ташкилоту муассисаҳо ва шарикони рушд роҳандозӣ гардида, пас аз қисмати расмӣ кори он дар бахшҳо идома меёбад. Бахшҳои Форум масъалаҳои муҳими ҳаёти занонро дар мамлакат фаро гирифта, аз ҷониби занони роҳбар ва шахсони баруманд семинару тренингҳо ва мастер классҳо доир карда мешаванд.

Нақш ва мавқеи занону ҷавондухтарон дар зинаи идоракунии давлатӣ, сабаб ва роҳу усулҳои пешгирии шомилшавии занону ҷавондухтарон ба гурӯҳҳои террористиву экстремистӣ, нақши ҷавондухтарону занони соҳибкор дар рушди иқтисодиёти мамлакат, пешгирии хушунат ва зӯроварӣ дар оила- омили устувории оилаҳои ҷавон, нақши занон дар рушди илм ва инноватсия, саҳми занон дар рушди сайёҳӣ ва эҳёи ҳунарҳои мардумӣ ва пешгирии бемории ВНМО/БПНМ миёни ҷавондухтарону занон – омили асосии солимии миллат аз ҷумлаи масъалаҳое мебошанд, ки дар Форум баррасӣ мегарданд.

Мавриди зикр аст, ки Форуми мазкур дар доираи ба ҳайси Сафири Созмони байналмилалии «Занони сиёсатмадори Роҳбар» таъйин гардидани Роҳбари Дастгоҳи иҷроияи Президенти Ҷумҳурии Тоҷикистон Раҳмон Озода Эмомалӣ ташкил карда шуда, ҳадафи он баланд бардоштани маърифати ҳуқуқии занону бонувон ва огоҳ намудани онҳо аз хатарҳои замони муосир мебошад.

Сентябрь 26, 2019 15:45

Хабарҳои дигари ин бахш

Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд
Барои дар тобистон ба бемории дарунравӣ гирифтор нашудани кӯдакон чӣ бояд кард?
Даври сеюми Озмуни ҷумҳуриявии «Тараннуми Ватан» баргузор мегардад
Беш аз 190 ҳазор нафар наврасони вилояти Хатлон ба истироҳатгоҳҳо фаро гирифта мешаванд
«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст