Имрӯз дар Ашқобод ҷаласаи 83-юми Шӯрои иқтисодии ИДМ баргузор мешавад

Сентябрь 13, 2019 08:45

ДУШАНБЕ, 13.09.2019. /АМИТ «Ховар»/. Имрӯз дар Ашқобод- пойтахти Туркманистон ҷаласаи 83-юми Шӯрои иқтисодии ИДМ баргузор мешавад, ки дар он муовини аввали Сарвазири Ҷумҳурии Тоҷикистон Давлаталӣ Саид иштирок хоҳад кард. Дар ин бора мухбири АМИТ «Ховар» хабар дод.

Рӯзнома доираи васеи масъалаҳоро оид ба ҳамкории кишварҳои ИДМ дар соҳаи иқтисодиёт  дар бар мегирад. Аз ҷумла, масъалаҳои татбиқи нишондодҳои Шартнома оид ба минтақаи озоди тиҷоратӣ аз 18 октябри соли 2011 ва Барномаи байнидавлатии мақсадноки «Барқароркунии қаламрави давлатҳое, ки зери таъсири истихроҷи уран мондаанд» аз соли 2018.

Дар рӯзнома баррасии ду лоиҳа бо иштироки доираи васеи иштирокдорон – Изҳорот оид ба ҳамкории иқтисодии давлатҳо – аъзои Иттиҳоди Давлатҳои Мустақил ва Консепсияи ҳамкории давлатҳо – аъзои Иттиҳоди Давлатҳои Мустақил дар соҳаи инкишофи рақамии ҷомеа, инчунин Нақшаи чорабиниҳои аввалиндараҷа оид ба татбиқи он дар назар аст.

Масъалаҳо оид ба татбиқи нишондодҳои Шартнома оид ба минтақаи озоди тиҷоратӣ аз 18 октябри соли 2011, дар бораи омодагӣ доир ба бақайдгирии аҳолӣ дар давраи соли 2020 дар давлатҳо – аъзои ИДМ, оид ба татбиқи «Барномаи байнидавлатии мақсадноки «Барқароркунии қаламрави давлатҳое, ки дар зери таъсири истихроҷи уран мондаанд» аз соли 2018, оид ба ташкилотҳои бунёдии давлатҳо – аъзои ИДМ, дар бораи идомаи ҷустуҷӯи хизматчиёни ҳарбӣ, ки дар ҷанги Афғонистон  дар солҳои 1979 – 1989 бе ному нишон гум шудаанд, пайдо кардани мадфан, тафтишоти тиббӣ ва шинохти майитҳо ва гӯронидани онҳо дар Ватан дар солҳои 2020 – 2024, дар бораи маблағгузории Нақшаи чорабиниҳо оид ба татбиқи Самтҳои асосии рушди минбаъдаи кумаки тиббию иҷтимоӣ ва баланд бардоштани сатҳи зиндагии собиқадорони ҷангҳо – иштирокчиёни низоъҳо ва аҳли оилаи онҳо дар кишварҳо – аъзои ИДМ то давраи соли 2020, дар бораи маблағгузорӣ доир ба бунёд ва рушди низоми муттаҳиди мудофиаи зиддиҳавоии давлатҳо – аъзои ИДМ.

Дар ҷараёни ҷаласа имзокунии лоиҳаҳои Самтҳои асосии рушди радионавигатсионии давлатҳо – аъзои ИДМ барои солҳои 2019 – 2024 ва Нақшаи чорабиниҳо оид ба татбиқи Созишномаи ҳамкорӣ доир ба пешгирӣ ва аз байн бурдани манбаъҳои бемориҳо ва зараррасонҳои ҷангал дар қаламрави наздисарҳадии давлатҳо – аъзои ИДМ аз 2 ноябр дар назар аст.

Хотирнишон месозем, ки Шӯрои иқтисодии Иттиҳоди Давлатҳои Мустақил ниҳоди асосии иҷроия мебошад, ки амалишавии созишномаҳои дар доираи ИДМ қабулшуда, қарорҳои Шӯрои сарони давлатҳо ва Шӯрои сарони ҳукуматҳои Иттиҳодро доир ба ташаккул ва фаъолияти минтақаҳои озоди тиҷоратӣ ва дигар масоили иҷтимоӣ ва иқтисодии ҳамкорӣ таъмин менамояд.

Шӯрои иқтисодии ИДМ, ки соли 1999 ташкил ёфтааст, меросбари Шӯрои Кумитаи байнидавлатии иқтисодии Иттиҳоди иқтисодии аз соли 1994 амалкунанда мебошад. Низомнома дар бораи Шӯро бо Қарори сарони давлатҳо – аъзои ИДМ Оид ба Шӯрои иқтисодии ИДМ аз 11 октябри соли 2017 дар шаҳри Сочи тасдиқ шудааст.

Ба Шӯрои иқтисодии ИДМ муовинони сарони ҳукуматҳои давлатҳои – аъзои ИДМ дохил мешаванд. Дар ҷаласаҳои он Раиси Кумитаи иҷроия – Котиби иҷроияи ИДМ иштирок менамояд.

Дар назди Шӯрои иқтисодии ИДМ ба таври доимӣ Комиссия оид ба масъалаҳои иқтисодӣ амал менамояд, ки аз намояндагони мухтори давлатҳо – аъзои ИДМ иборат аст. Он бо омӯзиши ҳамаҷониба ва баррасии лоиҳаҳои ҳуҷҷатҳои дорои хусусияти иҷтимоӣ – иқтисодӣ, ки аз ҷониби Кумитаи иҷроияи ИДМ  ва ниҳодҳои соҳавӣ омода мегарданд, машғул аст. Он ҳамчунин ба мувофиқа омадани мавқеъҳои давлатҳоро амалӣ месозад.

Ҷаласаҳои Шӯрои иқтисодии ИДМ як маротиба дар се моҳ ва ҷаласаҳои Комиссия на камтар аз як бор дар як моҳ доир мешаванд. Ҷаласаи 81 – уми Шӯрои иқтисодии ИДМ 15 марти соли 2019 дар шаҳри Москва ва ҷаласаи 82 -юм 21 июни соли 2019 дар шаҳри Минск баргузор гардида буданд.

Сентябрь 13, 2019 08:45

Хабарҳои дигари ин бахш

Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид