Итоат ба қонун бояд ба одати ҳар шаҳрванд табдил ёбад-бардошт аз силсиласуҳбатҳо дар Норак
НОРАК, 24.09.2019. /АМИТ «Ховар»/. Итоат ба қонун бояд ба одати ҳар шаҳрванд табдил ёбад. Ин нукта зимни суҳбату вохӯриҳое, ки дар доираи омодагиҳо ба таҷлили 25-солагии Конститутсияи Ҷумҳурии Тоҷикистон бо аҳолии шаҳру деҳоти шаҳри Норак доир шуданд, баён гардид. Ин мулоқотҳо тибқи нақшаи чорабиниҳои Дастгоҳи иҷроияи Президенти Ҷумҳурии Тоҷикистон аз ҷониби гурӯҳи таблиғотии Суди Олии Ҷумҳурии Тоҷикистон амалӣ гардиданд. Дар ин бора аз шуъбаи рушди иҷтимоӣ ва робита бо ҷомеаи шаҳри Норак ба хабарнигори АМИТ «Ховар» иттилоъ доданд.
Дар мулоқотҳо директори Маркази таълимии судяҳои назди Суди Олии Ҷумҳурии Тоҷикистон Солеҳ Завқизода, судяҳои Суди Олӣ Маҳмадҷон Оймаҳмадзода, Шароф Аланазарзода ва фаъолони шаҳр иштирок намуданд.
Зимни вохӯриҳо масъулин роҷеъ ба Истиқлолияти давлатӣ ва роҳҳои таҳким бахшидани он, дастовардҳои даврони соҳибистиқлолӣ, таъмини волоияти қонун, ҳифзи ҳуқуқу озодиҳои инсон дар шароити кунунӣ, инчунин хатари экстремизм ва терроризм ба Истиқлолияти давлатӣ, роҳҳои пешгирии шомилшавии шаҳрвандон ба ҳизбу ҳаракатҳои бегона ибрози назар намуда, таъкид намуданд, ки Истиқлолияти давлатӣ беҳтарин дастоварди тоҷикон буда, он соҳибихтиёрии моро таъмин менамояд. Ба шарофати Истиқлолияти давлатӣ миллати тоҷик дар арсаи байналмилалӣ муаррифӣ гардида, ташаббусҳои наҷиби Пешвои миллат муҳтарам Эмомалӣ Раҳмон мавриди дастгирӣ қарор дода шуданд.
Судяи Суди Олии Ҷумҳурии Тоҷикистон Шароф Аланазарзода гуфт, ки тӯли 25 соли амалишавии санади тақдирсози миллат, яъне Конститутсияи Ҷумҳурии Тоҷикистон мардуми тоҷик сарнавишти худро тибқи муқаррароти ин ҳуҷҷати воқеан тақдирсози мамлакат муайян намуда, самтҳои тараққиёти ҳамаи соҳаҳои зиндагиашонро пеш бурда истодаанд.
Зимни ин силсиламулоқот мутахассисони ҳуқуқдон аз шаҳрвандон даъват ба амал оварданд, ки ба қадри оромӣ, сулҳу субот, ваҳдату якдилӣ, Истиқлолияти давлатӣ бирасанд, нисбат ба ҳодисаву воқеаҳо бетарафу бетафовут набошанд. Насли наврас, алалхусус ҷавононро дар рўҳияи гиромӣ доштани забон, фарҳангу ойинҳои миллӣ, ватандўстиву меҳанпарастӣ ва ҳувияти миллӣ тарбия намоянд.
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
