Муаррифии Тоҷикистон дар Ҷашнвораи байналмилалии фарҳангӣ дар шаҳри Хайани музофоти Ҷиангсуи Чин
ДУШАНБЕ, 27.09.2019 /АМИТ «Ховар»/. 22-24 сентябр Сафири Ҷумҳурии Тоҷикистон дар Ҷумҳурии Мардумии Чин Парвиз Давлатзода бо даъвати Ҳукумати мардумии шаҳри Хайани музофоти Ҷиангсуи Чин дар маросими ифтитоҳи Ҷашнвораи байналмилалии «Хайан-2019: Иртиботи фарҳангӣ дар доираи ташаббуси «Камарбанд ва роҳ» иштирок намуд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ба хотири муаррифии шоистаи фарҳанг ва санъати миллии Ҷумҳурии Тоҷикистон дар ҳошияи ҷашни 28-солагии Рӯзи истиқлолияти мамлакатамон ва 70-солагии таъсиси Чин ду нафар намояндаи кишвар — овозхони ансамбли «Шашмақом»-и ба номи Фазлиддин Шаҳобов Гулбаҳор Шокирова ва узви Иттифоқи рассомони Тоҷикистон Эраҷ Олимов дар ин фестивали байналмилалӣ иштирок намуданд.
Дар ҳошияи ҷашнвораи мазкур ҳунарнамоии овозхони ансамбли «Шашмақом»-и ба номи Фазлиддин Шаҳобов Гулбаҳор Шокирова ва асарҳои рассомии ба маъраз гузоштаи Эраҷ Олимов ҳамчун намунаҳои беҳтарини намоиши фарҳанг ва санъати тасвирии Ҷумҳурии Тоҷикистон арзёбӣ гардида, ҳарду намояндаи Ҷумҳурии Тоҷикистон ба Ифтихорномаи «Қосиди фарҳангии Роҳи абрешим»-и Ҷашнвораи байналмилалии «Хайан-2019: Иртиботи фарҳангӣ дар доираи ташаббуси «Камарбанд ва роҳ» мушарраф гардиданд.
Зимни сафари корӣ Сафири Тоҷикистон Парвиз Давлатзода ҳамчунин бо роҳбарият ва намояндагони идораҳои фарҳанг, сайёҳӣ, тиҷорат, маорифи шаҳри Хайани музофоти Ҷиангсу Чин вохӯриҳо гузаронида, зимни онҳо таҳкиму густариши робитаҳои ҳамкории Тоҷикистон бо ин музофотро дар самтҳои мухталиф мавриди баррасӣ қарор дод.
Дар шаҳри Истанбул имконоти сармоягузории Тоҷикистон муаррифӣ гардид
Сироҷиддин Муҳриддин дар вохӯрии шашуми вазирони корҳои хориҷии қолаби «Осиёи Марказӣ — Чин» иштирок намуд
Ҳамкории Тоҷикистон бо Комиссияи иқтисодию иҷтимоии СММ барои Осиё ва Уқёнуси Ором баррасӣ гардид
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар Алмато мулоқоти вазирони корҳои хориҷии Тоҷикистон ва Чин баргузор шуд
Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
Сафири Тоҷикистон бо Ректори Донишгоҳи илмию технологии Амороти Муттаҳидаи Араб мулоқот намуд
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Имконоти сайёҳии Тоҷикистон дар Ҷумҳурии Корея муаррифӣ карда шуд
Тоҷикистон ва Арабистони Саудӣ оид ба омода намудани дипломатҳои ҷавон санад ба имзо расониданд
Сафири Тоҷикистон ба Подшоҳи Баҳрайн эътимодномаи худро супорид
