Ҷавонони водии Зарафшон дар доираи «Стартап-Чойхона» лоиҳаҳои тиҷоратии худро муаррифӣ намуданд

Октябрь 2, 2019 09:11

ДУШАНБЕ, 02.10.2019/АМИТ «Ховар»/. Дар шаҳри Панҷакент  бо ибтикори Муассисаи Давлатии «Ташаккул ва рушди соҳибкории Тоҷикистон»  дар  ҳамкорӣ бо Барномаи Рушди Созмони Милали Муттаҳид —  «Барномаи Рушди соҳибкорӣ дар маҳал» миёни соҳибкорони ҷавон машғулияти омӯзишӣ  ва озмуни «Стартап -Чойхона» ташкил карда шуд, ки дар он соҳибкорони ҷавон аз шаҳрҳои Панҷакент ва ноҳияҳои Айнӣ ва Кӯҳистони Мастчоҳ иштирок намуданд. Дар ин бора ба АМИТ «Ховар» аз Кумитаи давлатии  сармоягузорӣ ва идораи амволи давлатии Ҷумҳурии Тоҷикистон иттилоъ доданд.

Ҳадафи машғулияти амалӣ ва озмуни «Стартап-Чойхона» фаъолсозии ҷавононе мебошад, ки ҷиҳати ташкили тиҷорат ва рушди он  кӯшиш намуда, ба ин  восита дар ҷумҳурӣ ҷойҳои нави корӣ фароҳам меоранд.

Дар озмун аз ҷониби намояндагони шаҳри Панҷакент ва ноҳияҳои Айнию  Кӯҳистони Мастчоҳ лоиҳаҳои бизнеси марказҳои хизматрасонии компютерӣ, хизматрасонии телефонҳои мобилӣ ва таълимию фароғатии кӯдакон муаррифӣ гардиданд.

Ҳамзамон аз ҷониби иштирокчиёни фаъол идеяҳои гуногуни соҳибкорӣ, аз тиҷорати хурд то васеъ кардани тиҷорати калон ба аъзои доварон пешниҳод карда шуд.  Вобаста ба ин, доварон зикр карданд, ки пешниҳоди идеяи воқеии соҳибкорӣ ва хоҳиши машғул шудан ба фаъолияти соҳибкорӣ муҳим ва сабаби  дастгирӣ мебошад.

Дар маҷмӯъ дар озмуни «Стартап-Чойхона» 19 нафар соҳибкорони ҷавон  ва 40 нафар донишҷӯёни Коллеҷи технология ва инноватсияи шаҳри Панҷакент иштирок карданд.

Дар ҷамъбасти озмун муаллифони лоиҳаҳои беҳтарини тиҷоратӣ  бо туҳфаҳо қадрдонӣ гардиданд.

Октябрь 2, 2019 09:11

Хабарҳои дигари ин бахш

НИШАСТИ МАТБУОТӢ. Дар шашмоҳаи якуми соли 2025 шумораи парвандаҳои судӣ коҳиш ёфтааст
НИШАСТИ МАТБУОТӢ. Ба 5803 нафар шаҳрванд машварати ҳуқуқӣ расонида шуд
Дар ноҳияи Файзобод иншооти соҳаи тандурустӣ бунёду навсозӣ карда мешаванд
Дар ноҳияи Шаҳристон доир ба Ваҳдати миллӣ чун рукни асосии ташаккули ҷомеа ва давлат вохӯрӣ баргузор шуд
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид
НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
НИШАСТИ МАТБУОТӢ. Зиёда аз 57 миллион сомонӣ маблағ ба манфиати модару кӯдак ситонида шудааст
Дар Тоҷикистон содиршавии ҷиноят нисбат ба кӯдакон 30 фоиз зиёд шудааст
НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд