Дар рӯзи якуми даъват зиёда аз 100 нафар ҷавонони ноҳияи Рашт ба сафи Қувваҳои мусаллаҳи ҷумҳурӣ пайвастанд

Октябрь 2, 2019 15:24

РАШТ, 02.10.2019. /АМИТ «Ховар»/. Барои иҷрои Фармони Президенти Ҷумҳурии Тоҷикистон дар бораи даъвати навбатии шаҳрвандони солҳои таваллуди 1992-2001 ба хизмати ҳарбӣ дар маркази ноҳияи Рашт маъракаи  тантанавии гусели наваскарон ба сафи Қувваҳои мусаллаҳи ҷумҳурӣ баргузор гардид. Дар ин рӯзи таърихӣ зиёда аз 100 нафар ҷавонон ихтиёран ба сафи артиши миллӣ пайвастанд. Дар ин бора аз мақомоти иҷроияи ҳокимияти давлатии ноҳияи Рашт ба хабарнигори АМИТ «Ховар» иттилоъ доданд. 

Раиси ноҳияи Рашт Раҳимҷон Муқимӣ зимни маросими тантанавӣ  гуфт, ки «мояи хурсандист, ки ҷавонони ноҳия, пеш аз ҳама, дастгирию ғамхориҳои пайвастаи Пешвои миллат муҳтарам Эмомалӣ Раҳмонро  ба хубӣ дарк намуда, сиёсати хирадмандонаю созандаашонро эҳсос менамоянд ва ба хотири ҳимояи марзу буми Ватани азиз ва пойдории ваҳдату истиқлолияти давлатӣ дар  сафи Қувваҳои мусаллаҳи ҷумҳурӣ  содиқона хизмат менамоянд».

Собиқадори ноҳия Салтанат Одинаева изҳор дошт, ки «маъракаи гусели наваскарон- ин даъват ба сафи Артиши миллӣ бори дигар собит месозад, ки ҷавонони ноҳияи мо сиёсати ватанпарваронаи Сарвари давлатамонро сидқан ҷонибдорӣ намуда, барои ҳифзи марзу буми мамлакат ҳамеша тайёранд».

Ҳамчунин  дар маъракаи гусели наваскарон прокурори ноҳияи Рашт Шоҳин Талбакзода, собиқадорони меҳнат Ҷамол Абдуллоев, даъватшавандагон Усмоналӣ Давлатов ва Бурҳониддин Каримов оид ба дўст доштани Ватан, ҳимояи марзу буми он ва баланд бардоштани ҳувияти милии ҷавонон сухан гуфтанд.

Дар хатми маросим сарбозону афсарони қисмҳои низомӣ ва дастаи ҳаваскорони бахши фарҳанги ноҳия барномаи ҷолиби консертиро манзури ҷавонон ва падару модарон намуданд.

Октябрь 2, 2019 15:24

Хабарҳои дигари ин бахш

Кумита оид ба таҳсилоти ибтидоӣ ва миёнаи касбӣ бахшида ба Рӯзи Ваҳдати миллӣ конфронс доир намуд
Дар Агентии суғуртаи иҷтимоӣ ва нафақа 28-солагии Рӯзи Ваҳдати миллиро ҷашн гирифтанд
Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
Дар Душанбе Конфронси ҷумҳуриявӣ таҳти унвони «Ваҳдат – мароми модарон» баргузор шуд
Дар Душанбе вобаста ба хизматрасониҳои молиявӣ ва ҳуқуқи соҳибкорон конфронси ҷумҳуриявӣ доир гардид
Сафари Корвони «Модарони ваҳдатсаро» ба шаҳру ноҳияҳои ҷумҳурӣ оғоз гардид
Дар Озарбойҷон Конфронси байналмилалии ҳизбҳои сиёсӣ баргузор шуд
Фестивали дӯстии ҷавонон-2025 оғоз шуд
Бахшида ба Рӯзи ҷаҳонии донори хун дар Тоҷикистон маъракаи хунсупорӣ гузаронида шуд
Дар Женева масъалаи кушодани марказҳои раводиди давлатҳои Иттиҳоди Аврупо дар Тоҷикистон баррасӣ гардид
Бахшида ба ҷашни Ваҳдати миллӣ Корвони «Модарони ваҳдатсаро» ташкил мегардад
Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид