Ёдгориҳои таърихиву фарҳангии вилояти Суғд ба рӯйхати ЮНЕСКО пешниҳод мешаванд
ДУШАНБЕ, 02.10.2019 /АМИТ «Ховар»/. 1 октябр дар шаҳри Хуҷанди вилояти Суғд давраи омӯзишӣ оид ба ҳифзу таблиғи ёдгориҳои таърихиву фарҳангии вилояти Суғд оғоз гардид.
Дар ин давра омӯзиши ёдгориҳои таърихиву фарҳангии мавзеи Фарғона-Сирдарё ва Роҳи бузурги Абрешим гузаронида мешавад.
Давраи омӯзишии мазкур бо ташаббуси Дафтари минтақавии ЮНЕСКО ва Иттиҳоди Аврупо роҳандозӣ гардида, дар он олимони таърихшинос, фарҳангшиносон, коршиносони байналмилалӣ, намояндагони масъули мақомоти иҷроияи ҳокимияти давлатии шаҳру ноҳияҳои вилояти Суғд иштирок мекунанд.
Зимни омӯзиш коршиносони байналмилалӣ ба иштирокчиён оид ба таҳияи ҳуҷҷатҳо ва пешниҳоди ёдгориҳои таърихиву фарҳангии вилояти Суғд барои ворид кардан ба рӯйхати ЮНЕСКО маслиҳат ва машварат хоҳанд дод.
Мавриди зикр аст, ки дар вилояти Суғд вобаста ба ёдгориҳои таърихиву фарҳангии ду гузаргоҳи Роҳи Абрешим: долони Зарафшон ва долони Фарғона- Сирдарё коргузорӣ ҷараён дорад.
Ёдовар мешавем, ки давраи омӯзишии мазкур то 4 октябр идома меёбад.
Дар Ховалинг бошишгоҳи нави палеолитӣ бо таърихи 500 ҳазор сол кашф гардид
Дар Синамоҷашнвораи дуюми байналмилалии Душанбе — «Тоҷи Сомон» беш аз 30 филм намоиш дода мешавад
Операсароёни маъруфи сатҳи ҷаҳонӣ Стефания Мурино ва Фабио Каррери дар Хуҷанд сурудҳоро бо забони тоҷикӣ иҷро намуданд
Туҳфаи Пешвои миллат — «Шоҳнома»-и безаволи Абулқосим Фирдавӣ ба ноҳияи Мир Сайид Алии Ҳамадонӣ расид
Муовини Раиси Ҳукумати Федерстсияи Русия дар Осорхонаи миллӣ бо фарҳанги қадимаи миллати тоҷик аз наздик шинос гардид
Ба фонди Китобхонаи миллии Тоҷикистон беш 59 ҳазор нусха адабиёт ворид гардид
Дар Кӯлоб ба ифтихори Рӯзи фалак чорабинии ҷашнӣ баргузор шуд
ФАЛАК-ИФОДАИ РОЗУ НИЁЗ, ТАЛАБУ ХОСТАҲОИ МАРДУМ. Ин мусиқии суннатӣ дар Тоҷикистон бештар рушд ёфтааст
Дар Тоҷикистон Рӯзҳои синамои Русия, Эрон ва Қирғизистон баргузор мегарданд
Раиси Ҷумҳурии Бошқирдистони Федератсияи Русия дар Осорхонаи миллӣ бо давраҳои таърихи халқи тоҷик шинос шуд
Дар Русия Конгресси дуюми Ташкилоти умумиҷаҳонии нависандагон баргузор гардид
«Моҳӣ дар шаст» дар Кинофестивали байналмилалии Исфаҳон соҳиби нахустин ҷоизаи байналмилалӣ гардид
