Дар Душанбе роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуд

Ноябрь 4, 2019 16:12

ДУШАНБЕ, 04.11.2019 /АМИТ «Ховар»/. Бо мақсади тақвияти эътимоди аҳолӣ ба низоми бонкӣ, баланд бардоштани сатҳи саводнокии мардум ва ҳифзи ҳуқуқи истеъмолкунандагони хизматрасониҳои низоми молиявӣ бо иқдоми Бонки миллии Тоҷикистон дар ҳамоҳангӣ бо Бонки ҷаҳонӣ ва Корпоратсияи байналмилалии молиявӣ (IFC) дар мавзӯи «Механизми танзимкунанда дар самти ҳифзи ҳуқуқҳои истеъмолкунандагони хизматрасониҳои молиявии Ҷумҳурии Тоҷикистон» ҳамоиш доир гардид, ки дар он намояндагони бонкҳо ва ташкилотҳои қарзӣ иштирок намуданд.

Аз Бонки миллии Тоҷикистон ба АМИТ «Ховар» иттилоъ доданд, ки ҳадафи ҳамоиш шиносоии иштирокдорон бо санадҳои меъёрии ҳуқуқии таҳияшаванда дар самти ҳифзи ҳуқуқҳои истеъмолкунандагони хизматрасониҳои молиявӣ, аз ҷумла Дастурамал «Дар бораи тартиби пешниҳоди хизматрасониҳои молиявӣ ва тартиби ифшои маълумот ба муштариёни ташкилотҳои қарзӣ» мебошад. Натиҷаи бадастомада метавонад ҳангоми баррасии ҳуҷҷати зикршуда заминаи хуби назариявӣ гардад, иттилоъ медиҳад сарчашма.

Зикр гардид, ки таъмини дастрасии аҳолӣ ба хизматрасониҳои низоми бонкӣ, рушди соҳибкории хурду миёна, баланд бардоштани сатҳи маърифатнокии молиявии мардум ва зиёд намудани боварии аҳолӣ ба низоми бонкӣ яке аз самти асосии фаъолияти Бонки миллии Тоҷикистон буда, баргузории ҳамоиш  ҷиҳати таҳкими механизми ҳимояи ҳуқуқҳои истеъмолкунандагони хизматрасониҳои низоми бонкӣ заминаи мусоид фароҳам меорад.

Дар ҳамоиш ҳамзамон намояндагони Корпоратсияи байналмилалии молиявӣ ва  Бонки ҷаҳонӣ оид ба натиҷаи фаъолияти феълӣ ва нақшаҳои минбаъдаи механизми ҳимояи ҳуқуқи истеъмолкунандагони хизматрасониҳои молиявии Ҷумҳурии Тоҷикистон ва масъалаҳои дар ин самт ҷойдошта рӯнамоии худро дар таҳлил бо таҷрибаи дигар давлатҳо манзури иштирокдорон гардониданд.

Ноябрь 4, 2019 16:12

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст