Дар ноҳияи Ҳамадонӣ бинои Ҳизби Халқии Демократӣ мавриди баҳрабардорӣ қарор гирифт
ДУШАНБЕ, 18.11.2019 /АМИТ «Ховар»/. Тавре иттилоъ дода будем, бо мақсади дар сатҳи баланд таҷлил гардидани ҷашни 30-солагии Истиқлолияти ҷумҳурӣ дар ноҳияи Ҳамадонӣ аз ҷониби соҳибкорони маҳаллӣ як зумра иншооти ҷашнӣ мавриди истифода қарор дода шуданд.
Бахшида ба Рӯзи Президенти Ҷумҳурии Тоҷикистон бинои нави Ҳизби Халқии Демократии Тоҷикистон дар ноҳия мавриди баҳрабардорӣ қарор гирифт. Дар расми ифтитоҳи он муовини раиси вилояти Хатлон Хайрулло Амонулло, раиси Ҳизби Халқии Демократии Тоҷикистон дар вилояти Хатлон Абдулло Раҳмонзода ва раиси ноҳия Бозоралӣ Одиназода ширкат варзиданд.
Ба иттилои манбаъ, бинои мазкур бо дастгирии аъзои Ҳизби халқии демократӣ дар вилояти Хатлон ва соҳибкорони саховатпеша тариқи ҳашар сохта шудааст. Бино аз ду ошёна ва 6 утоқи корӣ иборат мебошад. Барои фаъолияти кормандони Ҳизби Халқии Демократии Тоҷикистон дар ноҳияи Ҳамадонӣ аз ҳисоби ҲХДТ дар вилояти Хатлон ҳамчунин як мошини сабукрави хизматӣ ба кормандони ҳизби ноҳия тақдим гардид.
Ҳамчунин иттилоъ дода шуд, ки дар ин рӯз дар ноҳия аз тарафи соҳибкори маҳаллӣ Хушнуд Чиллаев Маркази хизматрасонии «Омина» бо тамоми шароити замони муосир ба истифода дода шуд.
Бародари соҳибкор Қурбоналӣ Чиллаев дар суҳбат бо мухбири АМИТ «Ховар» чунин гуфт: «Маркази хизматрасонии «Омина» дар маркази ноҳия қомат афрохта, аз ду ошёна иборат мебошад. Дар он кошонаи ҳусн, стомотология, филиали “Амонатбонк”-и ноҳиявӣ ва дорухона амал мекунанд».
Айни замон дар марказ 20 нафар шаҳрвандони ноҳия бо ҷойи кори доимӣ таъмин гардидаанд.
Маркази хизматрасонӣ ба маблағи зиёда аз 400 ҳазор сомонӣ сохта шудааст.
«Корвони саломатӣ». Ба сокинони деҳоти дурдасти вилояти Суғд хизмати ройгони тиббӣ расонида шуд
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
