Кормандони мақомоти корҳои дохилӣ дар нақлиёт Рӯзи милитсияро таҷлил намуданд

Ноябрь 8, 2019 09:52

ДУШАНБЕ, 08.11.2019. /АМИТ «Ховар»/. Дар Раёсати Вазорати корҳои дохилӣ дар нақлиёт бахшида ба Рӯзи милитсия, ки ҳамасола 10 ноябр таҷлил мегардад, барномаи  идона бо иштироки кормандони ин ниҳод ва собиқадорони соҳа  баргузор гардид. Дар ин бора аз маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Дар ҷамъомади идона  нахуст сардори Раёсати ВКД дар нақлиёт, генерал-майори милитсия Фотеҳ Қунғуротзода ҳомиёни ҳифзи тартиботро бо иди касбӣ шодбош гуфта, зикр кард, ки аз корманди қаторӣ то афсари баландрутбаи милитсия вазифадоранд, ки  бо масъулияти дучанд уҳдадориҳои хизматиро  иҷро намуда, ба  халқу давлат ҳамчун фарзанди содиқи Ватан  хизмат карда, дар пойдории сулҳу суботи мамлакат  ҳиссагузор бошанд.

Таъкид гардид, ки милитсияи тоҷик имрӯз бо меҳнати содиқона ба манфиати халқу Ватан  дар байни ҷомеа соҳибэҳтиром  гардидааст. Тавре аз мушоҳидаҳо бармеояд, имрӯз  кормандони мақомоти корҳои дохилӣ  бо зуҳурот ва унсурҳои номатлуби ҷомеа  муборизаи беамон  бурда,  бо мақсади оромиву осудагии ҷомеа ҳатто ҷони худро қурбон  менамоянд.

Мояи фараҳмандист, ки имрӯз  дар тамоми зинаҳои мақомот кормандони босалоҳияту ботаҷриба фаъолият менамоянд.

Кормандони милитсия барои  ояндаи дурахшони Тоҷикистон шабонарӯзӣ  хизмат намуда, ба қавлу савганди касбӣ, Президент ва халқу Ватан содиқ мебошанд.
Сипас  сардори Раёсат чанд нафар аз собиқадорон ва кормандони раёсати мазкурро бо медалу нишонҳои соҳавӣ, «Сипоснома», «Ифтихорнома»  ва туҳфаҳои хотиравӣ қадршиносӣ намуд.

Дар фарҷоми ҷамъомади идона санъаткорони шинохтаи ҷумҳурӣ бо ҳунарнамоии худ хотири иштирокдоронро  болида гардониданд.

Ноябрь 8, 2019 09:52

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд