Ғалабаи паиҳами футболбоздухтарони Тоҷикистон дар Чемпионати CAFA-2019

Ноябрь 27, 2019 09:27

ДУШАНБЕ, 27.11.2019 /АМИТ «Ховар»/. Дастаи мунтахаби олимпии занонаи Тоҷикистон (U-23) дар Чемпионати Ассотсиатсияи футболи Осиёи Марказӣ (CAFA), ки дар Душанбе ва Ҳисор баргузор шуд, ғалабаи дуввум ба даст овард. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дар даври навбатӣ футболбозони тоҷик бо дастаи миллии Туркманистон вохӯрд. Бозӣ дар Варзишгоҳи марказии ҷумҳуриявии Душанбе баргузор шуда, бо пирӯзии дастаи мо бо ҳисоби 2:0 хотима ёфт. Голҳоро дар нимаи аввали бозӣ Некубахт Худододова ва Рафина Нормуродова заданд.

Дастаҳои Ӯзбекистон ва Эрон дар рӯзи чоруми бозии асосии Чемпионати CAFA-2019 вохӯрданд. Дар ин рақобати шадид  футболбозони Ӯзбекистон бо ҳисоби 3:0 пирӯзӣ ба даст оварданд.

Дар бозии навбатӣ дастаи Қирғизистон се голи беҷавоб ба дарвозаи дастаи Афғонистон ворид кард.

Ҳамин тариқ, пеш аз як давр то анҷоми бозии Чемпионати CAFA-2019 ғолиби мусобиқа муайян карда шуд. Пирӯзии мутлақ насиби дастаи занонаи Ӯзбекистон шуд, ки 12  хол аз 12 холи  имконпазирро соҳиб шуд. Дар ҷои дуюм дастаи миллии Эрон (бо 9 имтиёз) ҷойгир аст. Дар ин ҳайати сегонаи пешсаф   дастаи миллии Тоҷикистон, ки 7 хол дорад, дар ҷои сеюм қарор дорад.

Бозиҳои даври ниҳоӣ панҷшанбе, 28 ноябр баргузор мешаванд. Дар ин рӯз бозиҳои Тоҷикистон-Ӯзбекистон, Қирғизистон- Туркманистон ва Эрон — Афғонистон сурат мегиранд.

Чемпионати Ассотсиатсияи футболи Осиёи Марказӣ (CAFA) байни дастаҳои олимпии занони то 23-сола бо гардиши як давр баргузор мешавад.

Чемпионати дастаи олимпии занонаи CAFA 2019 (U-23)

Даври 4-ум

 Туркманистон — ТОҶИКИСТОН 0: 2

Голҳо: Некубахт Худододова, 25 (0: 1). Рафина Нормуратова, 45 + 2 (0: 2).

Сардовар: Кристина Борисова (Ӯзбекистон).

Нозири доварон: Абдураҳим Бобоев (Тоҷикистон).

Комиссари бозӣ: Ҷовидон Ҳасанов (Тоҷикистон).

26 ноябр. Душанбе. Варзишгоҳи марказии ҷумҳуриявӣ. 130 тамошобин.

Ӯзбекистон — Эрон 3-0

Голҳо: Нилуфар Қудратова, 14 (1: 0). Умеда Зоирова, 65 (2: 0). Дилдора Нозимова, 82 (3: 0).

Огоҳӣ: Шаҳризода Зайнитдинова (Ӯзбекистон), Заҳро Масумӣ (Эрон).

Сардовар: Малика Қодирова (Ӯзбекистон).

Нозири довар: Аллаберген Сапаев (Туркманистон).

Комиссари бозӣ: Александр Давиденко (Ӯзбекистон).

26 ноябр. Ҳисор. Варзишгоҳи марказӣ. 54 тамошобин.

Афғонистон — Қирғизистон 0: 3

Голҳо: Айҷон Боронбекова, 20 (0: 1). Адинай Дуйшобаева, 30 (0: 2). Адинай Дуйшобаева, 39 (0: 3).

Огоҳӣ: Самира Моманд, Фотима Ҳайдарӣ (Афғонистон), Айпери Саскеева (Қирғизистон).

Сардовар: Салма Разавӣ (Эрон).

Нозири доварон: Абдураҳим Бобоев (Тоҷикистон).

Комиссари бозӣ: Ҷовидон Ҳасанов (Тоҷикистон).

26 ноябр. Душанбе. Варзишгоҳи марказии ҷумҳуриявӣ. 130 тамошобин.

28 ноябр (панҷшанбе)

14:00 ТОҶИКИСТОН – Ӯзбекистон

Варзишгоҳи марказӣ дар Ҳисор.

14:00 Қирғизистон – Туркманистон

Варзишгоҳи марказии ҷумҳуриявӣ дар Душанбе.

17:00 Эрон – Афғонистон

Варзишгоҳи марказии ҷумҳуриявӣ дар Душанбе.

Ноябрь 27, 2019 09:27

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд