Дар Хуҷанд 35 тонна маҳсулоти ба талаботи меъёрҳои беҳдоштӣ ҷавобгӯ набуда нобуд карда шуд
ДУШАНБЕ, 11.12.2019. /АМИТ «Ховар»/. Дар партовгоҳи шаҳри Хуҷанд аз ҷониби сохторҳои Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд беш аз 35 тонна маҳсулоти доруворӣ, хӯрокӣ, ширинӣ, хокаи шустушӯии пастсифат ва муҳлаташ гузаштаю ба талаботи меъёрҳои беҳдоштӣ ҷавобгӯ набуда нобуд карда шуданд.
Давоми 11 моҳи соли равон аз ҷониби кормандони Маркази назорати давлатии санитарию эпидемиологии шаҳри Хуҷанд аз марказҳои савдо ва нигоҳдошти молу маҳсулот беш аз 24 ҳазор килограмм маводи хӯрокии пастсифат ва муҳлати истифодаашон гузашта мусодира гардид.
Тавре ба мухбири АМИТ «Ховар» аз дафтари матбуоти Мақомоти иҷроияи ҳокимияти давлатии шаҳри Хуҷанд иттилоъ доданд, имрӯзҳо аз ҷониби кормандони Маркази назорати давлатии санитарию эпидемиологии шаҳр баҳри иҷрои дастуру супоришҳои роҳбарияти давлат дар самти таъмини назорати бехатарии маҳсулоти озуқаворӣ ва пешгирии бемориҳои гуногуни сироятӣ, ҳамчунин гирифтани роҳҳои ба тариқи қочоқ вориднамоӣ ва ба фурӯш баровардани маҳсулоти пастсифати ба саломатии сокинон зараровар пайваста тадбирҳои мушаххас андешида мешаванд.
Мисоли равшани он ин аст, ки танҳо давоми ду моҳи охир аз ҷониби кормандони Марказ аз анборҳову марказҳои тиҷоратии маркази вилоят 1094 килограмм маводи хӯрокӣ, 2400 килограмм маводи хокаи шустушӯӣ дарёфт ва аз фурӯш боздошта шуданд.
Ба иттилоъ манбаъ, ин миқдор маҳсулот ба қаламрави вилоят асосан ба воситаи қочоқ ворид гардидааст. Баъди аз ҷониби мутахассисони Марказ гузаронидани корҳои тарғиботию фаҳмондадиҳӣ соҳибкорон ва ширкатҳо ихтиёран маводи муҳлатгузаштаро бо мақсади нобуд кардан ба Маркази назорати давлатии санитарию эпидемиологии шаҳр супориданд. Баъди хулосаи судии мақомоти дахлдор, маводу маҳсулоти ҷамъоваришуда дар минтақаи партовҷамъкунии шаҳри Хуҷанд бо роҳи сӯзонидан нобуд карда шуданд.
Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
25 январ — Рӯзи кормандони соҳаи меҳнат ва ҳифзи иҷтимоии аҳолӣ
Дар Академияи миллии илмҳои Тоҷикистон дар мавзуи ҷашни Сада конференсияи илмӣ-амалӣ баргузор шуд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир гардид
Дар назди Литсейи касбии техникии шаҳри Бохтар Маркази шуғли фосилавӣ ифтитоҳ гардид
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
ШУҒЛИ ПУРМАҲСУЛ. Чӣ гуна ҷавонон соҳибкасб мешаванд ва оё касбашон бозоргир аст?
ОЁ МЕДОНЕД? Бағоҷи дар фурудгоҳ фаромӯшшуда чӣ гуна ба соҳибаш баргардонида мешавад?
САБАБИ ЗИЁД ГАРДИДАНИ ТУМАН ДАР ЧИСТ? Шарҳи Агентии обуҳавошиносӣ дар ин мавзуъ
Маркази ҷумҳуриявии илмии хуни Тоҷикистон ва Созмони интиқоли хуни Эрон ёддошти тафоҳум ба имзо расониданд
