Вакилони мардумӣ Шартнома оид ба шарикии стратегӣ байни Тоҷикистон ва Беларусро тасдиқ намуданд
ДУШАНБЕ, 11.12.2019. /АМИТ «Ховар»/. Вакилони палатаи поёнии парлумони Тоҷикистон Шартнома оид ба шарикии стратегӣ байни Ҷумҳурии Тоҷикистон ва Ҷумҳурии Беларусро тасдиқ намуданд. Дар ин бора АМИТ «Ховар» иттилоъ медиҳад.
Масъалаи мазкур дар ҷаласаи навбатии иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати панҷум, ки имрӯз таҳти раёсати Раиси Маҷлиси намояндагон Шукурҷон Зуҳуров баргузор гардид, баррасӣ шуд.
Муовини Вазири корҳои хориҷии Ҷумҳурии Тоҷикистон Зоҳир Саидзода зимни шарҳи Шартнома дар ҷаласаи Маҷлиси намояндагон зикр намуд, ки роҳандозии муносибатҳо миёни Тоҷикистон ва Беларус дар фазои мутақобилан судманд ҷараён гирифта, ҷавобгӯи манфиатҳои сиёсӣ, иқтисодӣ ва фарҳангӣ мебошад.
«Тоҷикистону Беларус дар бисёр масъалаҳои муҳими байналмилалию минтақавӣ мавқеи яксон дошта, ҷонибдори ҳамгироии бештару фарогир мебошанд», — афзуд мавсуф.
Бояд гуфт, ки Шартнома оид ба шарикии стратегӣ байни Ҷумҳурии Тоҷикистон ва Ҷумҳурии Беларусро моҳи июни соли равон дар шаҳри Минск сарони ду давлати дӯст — муҳтарам Эмомалӣ Раҳмон ва муҳтарам Александр Лукашенко имзо гузоштанд.
«Тоҷикистон ба робитаҳои дӯстӣ ва дастгирии ҳамдигарӣ бо Ҷумҳурии Беларус, ки аллакай хусусияти шарикии стратегӣ касб кардааст, баҳои баланд медиҳад»,-гуфта буданд Сарвари давлат муҳтарам Эмомалӣ Раҳмон зимни мулоқоту музокироти сатҳи олии Тоҷикистону Беларус, ки дар шаҳри Минск доир гардид.
Татбиқи муқаррароти ин шартнома, — гуфт муовини Вазири корҳои хориҷии Ҷумҳурии Тоҷикистон, робитаҳои ду мамлакати дӯстро ба сатҳи сифатан нави ҳамкории дарозмуддат мебарорад.
Гуфта шуд, ки Шартнома аз 15 модда иборат буда, муқаррароти он ба тақвияти ҳамкорӣ дар самтҳои асосии таъмину таҳкими амнияти миллӣ, минтақавӣ ва сулҳу субот, мубориза бо чолишҳо ва таҳдидҳои нави амниятӣ, рушди ҳамгироии ҳарбӣ ва ҳарбӣ-техникӣ, таҳкими муносибатҳои тиҷоратӣ, иқтисодӣ, илмӣ, техникӣ ва дигар соҳаҳои мутақобилан судманди дуҷониба мусоидат менамояд.
Ёдовар мешавем, ки Тоҷикистону Беларус дар доираи ташкилоту созмонҳои бонуфузи минтақавию байналмилалӣ, аз қабили СММ, САҲА, ИДМ ва СААД робитаҳои дуҷонибаи судманд ба роҳ мондаанд.
Акс аз бойгонӣ
Доир ба иҷрои «Барномаи давлатии дарёфт ва рушди истеъдодҳо барои солҳои 2021-2025» ҳамоиш баргузор гардид
Пиряхҳои Тоҷикистон объекти муҳити зист ва манбаъҳои стратегии захираҳои об мебошанд
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
