Ҳаҷми маҳсулоти моҳӣ дар Тоҷикистон 31,2% афзуд

ДУШАНБЕ, 18.01.2020 /АМИТ «Ховар»/. Ҳаҷми истеҳсоли маҳсулоти  моҳипарварӣ дар давоми моҳҳои январ — декабри  соли 2019  52,1 миллион сомониро ташкил дод, ки ин нисбат ба ҳамин  давраи соли гузашта 31,2% зиёд мебошад. Дар ин бора АМИТ «Ховар» бо истинод ба Агентии  омори назди Президенти Ҷумҳурии Тоҷикистон хабар медиҳад.

«Дар моҳҳои январ-декабри соли 2019, сайдгирии моҳӣ дар тамоми кишвар 2749,3 тонна, аз ҷумла дар хоҷагиҳои вилояти Хатлон — 2236,3 тонна, вилояти Суғд — 369,9 тонна ва ВМКБ — 48,1 тоннаро ташкил дод», — афзуд манбаъ.

Аз рӯи маълумоти манбаъ, ҳаҷми умумии навъҳои асосии моҳиро инҳо ташкил медиҳанд:  моҳии пешонағафс —  547,4, сазан — 179,5, гулмоҳӣ 42,2,  амури сафед — 233,1  ва судак — 28,5, тоннаро ташкил медиҳанд.  Навъҳои дигари моҳӣ  аз  1718, 6  тонна иборат мебошанд.