Аз 1 январи соли 2020 маоши кормандони Донишгоҳи технологии Тоҷикистон аз 10 то 30 фоиз баланд бардошта шуд
ДУШАНБЕ, 30.01.2020 /АМИТ «Ховар»/. Аз 1 январи соли 2020 маоши кормандони Донишгоҳ аз 10 то 30 фоиз баланд бардошта шуд, — иброз намуд Ректори Донишгоҳи технологии Тоҷикистон Илҳом Амонзода имрӯз зимни нишасти матбуотӣ.
Ба зикри И.Амонзода, аз ҳисоби маблағҳои махсуси Донишгоҳ маоши докторони илм 30 фоиз, номзадони илм 25 фоиз, омӯзгони бе унвон ва дараҷаи илмӣ 10 фоиз зиёд карда шуд.
«Ба хотири дастгирии иҷтимоӣ ва беҳтар шудани вазъи зиндагии фаррошон маоши онҳоро 20 фоиз зиёд намудем, ҳарчанд ки зиёдшавии маоши кормандон аз 1 сентябри соли равон пешбинӣ шудааст. Дар баробари ин роҳбарияти Донишгоҳ кӯшиш мекунад маоши омӯзгоронеро, ки дорои дараҷа ва унвони илмӣ ҳастанд, соли 2021 низ боло бардорад»,- гуфт Ректори Донишгоҳи технологии Тоҷикистон.
Ҳамчунин номбурда зикр намуд, ки устодони Донишгоҳ соли гузашта дар озмунҳои дохилӣ ва байналмилалӣ иштирок намуда, соҳиби дастовардҳои назаррас гардиданд. Аз ҷумла Заррина Яминова дар озмуни “Беҳтарин ихтироъкори Тоҷикистон” иштирок намуда, аз ҷониби Ташкилоти патентии Авруосиёгӣ барои фаъолияти ихтироъкорӣ бо медали тиллои “Блинников В.И.” ва Холназар Иброгимов “Ихтироъкори беҳтарини Ҷумҳурии Тоҷикистон” дониста шуда, аз ҷониби Ташкилоти умумиҷаҳонии моликияти зеҳнӣ бо Медали WIPO -2019 сарфароз гардонида шуд.
Инчунин мудири кафедраи кимиё, дотсент Мавзуна Шарипова дар Озмуни байналмилалии занҳои ихтироъкор “KIWIE-2019”, ки 20-23 июни соли 2019 дар Ҷумҳурии Корея баргузор гардид, иштирок карда, сазовори Дипломи ҷойи фахрии III ва медали биринҷӣ дониста шуд.
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
