Манзили истиқоматии маъюби гурӯҳи якум Саодат Хоҷаева навсозӣ мешавад
ДУШАНБЕ, 20.01.2020 /АМИТ «Ховар»/. Манзили истиқоматии сокини ҷамоати деҳоти Рӯдакии ноҳияи Восеъ, маъюби гурӯҳи якум Саодат Хоҷаева навсозӣ мешавад. Пешвои миллат, Президенти мамлакат муҳтарам Эмомалӣ Раҳмон дар Паёми имсолаашон ба Маҷлиси Олӣ аз матиниродагии ин модари дорои имконоти ҷисмонии маҳдуд ситоиш намуда, рӯзгори ӯро намунаи ибрат хонданд.
Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд, 17 январ раиси вилояти Хатлон Қурбон Ҳакимзода ба аёдати Саодат Хоҷаева ба манзили зисти ӯ рафта, ба ин хонавода аз номи Пешвои миллат туҳфаҳои пуливу молӣ расонид.
Тибқи иттилои манбаъ, айни замон аз ҷониби мақомоти иҷроияи ҳокимияти давлатии ноҳияи Восеъ корҳои навсозии хонаи истиқоматии С.Хоҷаева идома доранд.
Қурбон Ҳакимзода зимни шиносоӣ бо корҳои сохтмонии манзили зисти Саодат Хоҷаева таъкид намуд, ки дар баробари навсозии хона атрофи онро низ сафолакпӯш намоянд.
Ёдовар мешавем, ки Пешвои миллат гуфтанд, ки бояд мардуми мамлакат аз зиндагии чунин модарон ибрат гиранд. Зеро Саодат Хоҷаева модари 3 фарзанд буда, бо вуҷуди аз дасти гиро маҳрум будан бо пойҳои худ ба корҳои кишоварзӣ машғул шуда, аз ин ҳисоб рӯзгори худро пеш мебарад.
Номбурда бо вуҷуди сахтиҳои рӯзгор зиндагиро дӯст медорад. Ӯ рӯҳафтода нашуда, баҳри таъмини зиндагии сазовор барои пайвандонаш заҳмат мекашад.
Саодат Хоҷаева барои дастгирию кумаки беғаразонаашон ба Пешвои миллат муҳтарам Эмомалӣ Раҳмон ва раиси вилоят Қурбон Ҳакимзода изҳори сипос намуд.
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
