Президенти нави БОР Масатсугу Асакава ба фаъолият шурӯъ кард
ДУШАНБЕ, 17.01.2020 /АМИТ «Ховар»/. Масатсугу Асакава ба ҳайси президенти даҳуми Бонки Осиёгии Рушд ба фаъолият шурӯъ кард, хабар медиҳад АМИТ «Ховар» бо истинод ба маркази матбуоти БОР дар Тоҷикистон.
«Барои ман шарафи бузург аст, ки президенти БОР бошам ва фаъолияти худро дар ҳамкории зич бо 68 кишвари аъзо оғоз намоям. БОР беш аз ним аср шарики боэътимод дар минтақа буда, рушди устувор ва некӯаҳволии одамонро дар минтақаи Осиёву Уқёнуси Ором беҳтар месозад. Ман ба он мекӯшам, ки БОР ҳамоно аз ҷониби мизоҷон ва шарикон хуб пазируфта шавад»,- гуфт М. Асакава.
Масатсугу Асакава Такехико Накаоро дар ин вазифа иваз намуд, ки ӯ 16 январи соли 2020 ба истеъфо рафт.
Дар давоми чор даҳсолаи фаъолияти корӣ Масатсугу Асакава як қатор мансабҳои роҳбарикунандаро дар Вазорати молияи Япония, аз ҷумла вазифаи муовини вазири молия оид ба корҳои байналмилалиро ишғол менамуд ва таҷрибаи васеи касбиро дар соҳаи сиёсати рушд, бозорҳои асъор ва сиёсати андозу молия касб намудааст.
Ӯ соли 2019 вазифаи муовини вазири молияро дар саммити G20 дар Осака ва дар вохӯрии вазирони молия ва раисони бонкҳои марказии кишварҳои G20 дар Фукуоке (Япония) иҷро мекард. Ба ҷуз ин, дарҳол пас аз бӯҳрони ҷаҳонии молиявӣ ӯ дар ҷаласаи аввалини роҳбарони G20 ба ҳайси ёвари ҳамонвақтаи сарвазир Таро Асо ширкат намуда буд. Масатсугу Асакава борҳо бо Созмони ҳамкории иқтисодӣ ва рушд, аз ҷумла ба ҳайси раиси Кумита оид ба масъалаҳои молиявӣ дар солҳои 2011 ва 2016 саҳмгузорӣ намуда буд. Таҷрибаи калони байналмилалии М.Асакава фаъолияти ӯро ба ҳайси сармушовири президенти БОР Кимимас Тарумидзо дар давраи солҳои 1989 то 1992 дар бар мегирад, ки вай дар ин муддат роҳбарии чорабиниҳоро оид ба таъсиси идораи нав дар БОР, ки бо банақшагирии стратегӣ машғул буд, ба уҳда дошт.
«Хеле хушнудам, ки дар Манила ҳастам, ин ҷо фаъолияти худро ба ҳамкорӣ бо аъзои БОР дар минтақа ва берун аз ҳудуди он мебахшам ва фикру мулоҳизаҳои онҳоро мешунавам. Ба шарофати таҷрибаи кормандони БОР ва ба болоравии фаъолияти минбаъдаи он итминон дорам, БОР ба хатарҳое, ки минтақа бо онҳо рӯ ба рӯ мешавад, муқовимат карда метавонад. Ман ӯҳдадор мешавам, ки ҳамаи корро анҷом диҳам, то Осиё ва минтақаи Уқёнуси Ором ба шукуфоӣ, ҳамбастагӣ, қудрати ҳаётӣ ва устуворӣ муваффақ шаванд», — гуфт М. Асакава.
Масатсугу Асакава ба ҳайси профессор дар Донишгоҳи Токио аз соли 2012 то 2015 ва дар Донишгоҳи Сайтама аз соли 2006 то 2009 фаъолият намудааст.
Ӯ унвони бакалаврро соли 1981 дар Донишгоҳи Токио ва дараҷаи магистрро соли 1985 дар Донишгоҳи Принстон гирифтааст.
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
Ассотсиатсияи бонкҳои Тоҷикистон вобаста ба роҳҳои пешгирии амалҳои қаллобӣ барои мутахассисони филиалҳои ташкилоти қарзии молиявии Суғд машварат гузаронид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
