Садамаи нақлиётӣ дар ноҳияи Рӯдакӣ ва ҳалокати як сокини ноҳияи Ёвон
ДУШАНБЕ, 07.01.2020 /АМИТ «Ховар»/. Тағйири ҳаво ва бориши барфи шадид ҳаракат дар роҳҳои мошингарди ҷумҳуриро мушкил кардааст. 6 январ як мошини боркаш дар роҳи ҳаракат аз ноҳияи Ёвон ба самти Душанбе дар қаламрави ноҳияи Рӯдакӣ аз беэҳтиётии ронанда сарозер шуда, мусофири 33-солаи он ба ҳалокат расид. Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, дар мошини ба садама дучоршуда ғайр аз ронанда боз сокини 33-солаи ноҳияи Ёвон менишаст. Ронандаи мошини калони боркаши тамғаи «Шакман», сокини 37-солаи маҳаллӣ, ки ба самти Душанбе ҳаракат мекард, дар гардиш аз уҳдаи идораи мошин набаромад. Вай, ки бо суръати номувофиқ ба вазъи роҳ ҳаракат мекард, бо як такон дар канори роҳ якбора сарозер шудааст.
Баъд аз дарёфти хабари садамаи шадид наҷотдиҳандагони Кумитаи ҳолатҳои фавқулода ва мудофиаи гражданӣ фавран ба ҷойи ҳодиса ҳозир шуда, бо ёрии дастгоҳи махсус дарро боз карда, ронандаву ҳамроҳи ӯро берун овардаанд.
Мутаассифона, мусофири мошин бар асари захмҳои сахт дар шуъбаи эҳёгарии беморхонаи ноҳияи Рӯдакӣ ҳалок шуд.
Садамаи нақлиётии маргбор дар ҳолест, ки Раёсати бехатарии давлатии автомобилии ВКД ҶТ ва маркази матбуоти Кумитаи ҳолатҳои фавқулода ва мудофиаи граждании назди Ҳукумати ҶТ аз тамоми шаҳрвандон даъват доранд, ки бинобар вазъи номусоиди боду ҳаво ҳангоми ҳаракат дар роҳҳо боэҳтиёт бошанд.
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
