Сенатори ИМА Марко Рубио: Амрико баъди ҳамлаи Эрон тадбирҳои ҷавобӣ меандешад

ДУШАНБЕ, 08.01.2020/АМИТ «Ховар»/. Сенатори Иёлоти Муттаҳидаи Амрико Марко Рубио гуфт,  ки Амрико ба вазъ ҷиҳати муайян кардани чораҳои мувофиқ барои ҳамлаи Эрон баҳо медиҳад.

«Ба ман дар бораи ҳамлаҳои мустақими Сипоҳи посдорони инқилоби  исломӣ, ки аз қаламрави Эрон ба ду пойгоҳ дар Ироқ шоми имрӯз мушак партофта шуд ва дар он қувваҳои эътилоф  ҷойгиранд, иттилоъ доданд. Барои муайян кардани ҷавоби мувофиқ арзёбии пурраи вазъият идома дорад», — навиштааст ӯ дар Твиттер.

Қаблан сухангӯи президенти ИМА Доналд Трамп Стефани Гришэм гуфта буд, ки вай аз ҳамла ба пойгоҳҳои амрикоӣ дар Ироқ огоҳ аст ва бо гурӯҳи мушовирони худ машварат мекунад.

Намояндаи Пентагон Ҷонатан Хоффман изҳор дошт, ки зарба аз  ҳудуди Эрон зада шудааст. Гуфта мешавад, ки ба пойгоҳи Айн-ал — Асад дар ғарби Ироқ ва пойгоҳ дар Эрбил ҳамла сурат гирифтааст. Масъулияти ин ҳамларо  Сипоҳи  посдорони инқилоби исломӣ  бар дӯш гирифт.

 Дар акс: сенатор Марко Рубио. Акс аз бойгонӣ