Тоҷикистон аз Ӯзбекистон 200 миллион метри мукааб гази табиӣ мехарад
ДУШАНБЕ, 28.01.2020. /АМИТ «Ховар»/. Соли 2020 Тоҷикистон ният дорад, ки аз ҳамсоядавлати Ӯзбекистон 200 миллион метри мукааб гази табиӣ харидорӣ намояд. Дар ин бора зимни нишасти матбуотии Вазорати энергетика ва захираҳои оби Ҷумҳурии Тоҷикистон муовини аввали Директори генералии ҶСК «Тоҷиктрансгаз» Шавкат Шоимзода хабар дод.
Ба иттилои номбурда, дар айни ҳол оид ба ин масъала гуфтушунид идома дошта, умед аст, ки он ҳалли худро меёбад.
«Соли 2019 Тоҷикистон дар ҳаҷми 140 млн метри мукааб ба маблағи 17,7 млн доллар аз Ӯзбекистон гази табиӣ харид, ки нисбат ба соли 2018 2,6 маротиба зиёд аст. Соли 2018 аз ин давлат 54,6 млн метри мукааб гази табиӣ ба маблағи 6,9 млн доллар ба Тоҷикистон интиқол дода шуд», — илова намуд Шавкат Шоимзода.
Ба гуфтаи номбурда, истеъмолгарони асосии гази табиии Ӯзбекистон дар Тоҷикистон ҳамоно корхонаҳои азими саноатӣ ва Маркази барқу гармидиҳии Душанбе мебошанд.
Бино ба маълумоти Вазорати энергетика ва захираҳои оби Ҷумҳурии Тоҷикистон, соли 2018 «Маркази барқу гармидиҳии Душанбе-1» бо тавоноии 60 мегаватт фаъолият намуд, ки истифодаи гази табиӣ нисбатан кам буд. Соли 2019 тавоноии марказ ба 90 мегаватт бардошта шуд, ки истифодаи гази табиӣ низ зиёд шуда, 108 млн метри кубиро ташкил дод.
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
