Ба пешвози ҷашни 30-солагии Истиқлолияти давлатӣ дар шаҳри Кӯлоб 766 иншоот ба истифода дода мешаванд

Февраль 18, 2020 10:01

КӮЛОБ, 18.02.2020. /АМИТ «Ховар»/. Бахшида ба  ҷашни 30- солагии Истиқлолияти давлатии Ҷумҳурии Тоҷикистон   то соли 2021 дар шаҳру деҳоти Кӯлоб бунёди 766 иншооти таъйиноти гуногун ба нақша гирифта шудааст, ки соли 2019 150 -тои он мавриди баҳрабардорӣ қарор гирифтанд. Дар ин бора  иҷрокунандаи вазифаи раиси шаҳри Кӯлоб Баҳром Иноятзода зимни нишасти матбуотӣ ба намояндагони воситаҳои ахбори омма иттилоъ дод.

Тавре хабарнигори минтақавии АМИТ «Ховар» хабар медиҳад,  раиси шаҳри Кӯлоб ҳамчунин изҳор дошт, ки соли 2019 корхонаҳои саноатии шаҳри Кӯлоб дар ҳамкорӣ бо бахши хусусӣ ба маблағи 268,1 миллион сомонӣ маҳсулот истеҳсол намуданд, ки нисбат ба ҳамин давраи соли гузашта 50,1 миллион сомонӣ зиёд аст.

— Соли гузашта  14 коргоҳ, аз ҷумла коргоҳи истеҳсоли макарон, пахтатозакунӣ, сехи кӯрпадӯзӣ, истеҳсоли маҳсулоти сохтмонӣ, сангреза, мебелбарорӣ, дару тирезаҳои пластикӣ, истеҳсоли хӯроки омехтаи чорво ва як корхонаи ҶДММ «Сангрезаи Кӯлоб» дар маҷмӯъ бо фарогирии 130 ҷойи нави корӣ таъсис дода шуданд,-афзуд Баҳром Иноятзода.

Гуфта шуд, ки ҶДММ «Ресандаи Кӯлоб» бо ҷалби сармояи хориҷӣ фаъолият карда, 99 нафар шаҳрвандон бо ҷойи кор таъмин гардиданд. «Ресандаи Кӯлоб» соли 2019 ба маблағи 13,1 миллион сомонӣ маҳсулот истеҳсол кардааст, ки нисбат ба ҳамин давраи пеш 3,4 миллион сомонӣ зиёд мебошад. Маҳсулоти истеҳсолкардаи корхона ришта буда, бештар ба хориҷи  мамлакат содирот карда мешавад.

Раиси шаҳри Кӯлоб  самти кишоварзиро шарҳ дода, гуфт, ки  деҳқонон соли гузашта  57,8 ҳазор тонна сабзавот, 6,8 тонна полезӣ, 7,4 тонна мева ва 1,1 тонна ангур ҷамъоварӣ намуданд.

-Дар ин давра кишти чигит мувофиқи дурнамо дар майдони 3000 га гузаронида шуда, ҷамъоварии пахта 6908,2 тоннаро ташкил дод. Ҳаҷми умумии маҳсулоти кишоварзӣ ба 462,4 миллион сомонӣ баробар гардид, ки нисбат ба соли 2018  10,5 миллион сомонӣ зиёд мебошад, -афзуд номбурда.

Февраль 18, 2020 10:01

Хабарҳои дигари ин бахш

Ҳайати Тоҷикистон дар Намоишгоҳи байналмилалии сайёҳӣ ва саноатии Теҳрон иштирок дорад
Президенти Ҷумҳурии Исломии Эрон Масъуд Пизишкиён дар шаҳри Теҳрон ба гӯшаи сайёҳии Тоҷикистон ташриф овард
НИШАСТИ МАТБУОТӢ. Ба иқтисодиёти Тоҷикистон дар ҳаҷми 4,9 миллиард доллар сармояи хориҷӣ ворид гардидааст
НИШАСТИ МАТБУОТӢ. Ҳаҷми Маҷмуи маҳсулоти дохилии Тоҷикистон ба беш аз 153 миллиард сомонӣ расонида шуд
«BORSA INTERNAZIONALE DEL TURISMO». Имконоти сайёҳии Тоҷикистон дар намоишгоҳи байналмилалии сайёҳӣ муаррифӣ гардид
НИШАСТИ МАТБУОТӢ. Барои муштариёне, ки ба низоми биллингӣ пайваст гардидаанд, маркази тамос ташкил шудааст
НИШАСТИ МАТБУОТӢ. 75 фоизи ҳолати қонунвайронкунии замин бартараф карда шуд
35-СОЛАГИИ ИСТИҚЛОЛИ ДАВЛАТӢ. Дар се деҳаи дурдасти шаҳри Роғун кӯдакистон бунёд мегардад
Дар Тоҷикистон ҷаласаи XXIII Шурои роҳбарони палатаҳои савдо ва саноати кишварҳои ИДМ доир мешавад
Тоҷикистон ба маблағи 55,1 миллион доллари амрикоӣ маҳсулоти саноати хӯрокворӣ содирот намуд
Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
НИШАСТИ МАТБУОТӢ. Соли 2024 аз шаҳри Турсунзода ба хориҷи мамлакат беш аз 18 ҳазор тонна ангур содирот шуд