Дар Донишкадаи сайёҳӣ, соҳибкорӣ ва хизмат дараҷаи дарсазхудкунии донишҷӯён боло рафтааст
ДУШАНБЕ, 05.02.2020. АМИТ /«Ховар»/. Дараҷаи дарсазхудкунии донишҷӯён дар даври фаъоли сессияи имтиҳонотии тобистонаи соли таҳсили 2018-2019 дар Донишкада ҳамагӣ 76,9% -ро ташкил намуд, ки нисбат ба ҳамин давраи соли гузашта 1,7% боло рафтааст. Ин матлабро имрӯз зимни нишасти матбуотӣ ректори Донишкадаи сайёҳӣ, соҳибкорӣ ва хизмат Убайдулло Асрорзода ба хабарнигорон иброз намуд.
Инчунин гуфта шуд, ки аз рӯи натиҷаи мониторинги сифати таҳсилот, ки аз 23 ноябр то 10 декабри соли 2019 дар курсҳои чоруми ҳамаи ихтисосҳои Донишкада гузаронида шуд, сатҳи азхудкунӣ 81%-ро ташкил дода, сифати таҳсилот нисбат ба натиҷаи донишҷӯёни курси чоруми соли таҳсили гузашта 9 % баланд шудааст.
“Раёсат ва кормандони Донишкада тамоми ғайрату маҳорати худро ба он равона намудаанд, ки сифати таҳсилот беҳтар гардад. Барои иҷрои ин вазифа на танҳо пойгоҳи устувори моддӣ-техникӣ ба вуҷуд оварда шудааст, балки маҷмӯи чорабиниҳои ташкилӣ, методӣ, кадрӣ амалӣ гардидааст, ки дар натиҷа сифати таълим то андозае боло рафтааст”,-илова намуд номбурда.
Зикр гардид, ки дар ин давра бо ҳадафи рушди сайёҳӣ ва эҳёи ҳунарҳои мардумӣ ба фаъолияти Маркази ҷумҳуриявии таълимию методӣ оид ба сайёҳӣ, меҳмондорӣ ва сервис, ки дар Донишкадаи сайёҳӣ, соҳибкорӣ ва хизмат таъсис дода шудааст, тақвият бахшида шуд.
Нақш ва саҳми Маркази мазкур дар самти таҳияи дастурҳои методӣ, васоити таълимӣ, китобҳои дарсӣ, инчунин муҳокимаи масоили мубрами сайёҳӣ, меҳмондорӣ ва хизматрасонӣ бо ҷалби коршиносону мутахассисони ватаниву хориҷӣ босазо арзёбӣ мегардад.
Бо мақсади хубтар ба роҳ мондани раванди таълим ва ҷиҳати таъмини сифати таҳсилот дар ин муассисаи илмӣ моҳи майи соли 2019 Донишкада аз аттестатсия давлатӣ гузаронида шуда, барои 5 соли минбаъда барои пешбурди фаъолият дар самти омодасозии мутахассисон иҷозатнома дарёфт намуд. Дар ин давра бо қарори Шӯрои олимони Донишкада бо мақсади омодасозии кадрҳои баландихтисоси ҷавобгӯ ба талаботи меҳнат аз рӯйи ихтисосҳои риштаи сайёҳӣ, инчунин иҷроиши нақшаи чорабиниҳои Солҳои рушди деҳот, сайёҳӣ ва ҳунарҳои мардумӣ дар донишкада “Факултети сайёҳӣ” таъсис дода шуд.
Инчунин дар ин давра барои 25 ихтисос стандартҳои давлатии таълимии ихтисосҳо ва нақшаҳои таълимӣ таҳия карда шуда, аз ташхиси Маркази ҷумҳуриявии таълимию методӣ гузаштанд.








Дар Душанбе даври ҷумҳуриявии озмуни «Библиомарафон» баргузор гардид
Дар Бохтар даври вилоятии Озмуни ҷумҳуриявии «Ҳунарманди сол» баргузор шуд
Ҳунармандони тоҷик дар Фестивали сеюми ҷаҳонии фарҳангии Карочӣ иштирок намуданд
Китоби «Забони миллат — ҳастии миллат»-и Президенти Тоҷикистон бо нуҳ забони хориҷӣ тарҷума ва нашр карда шуд
Ҳамкории Осорхонаи миллӣ бо муассисаҳои соҳавии Ҷумҳурии Корея густариш меёбад
Дар шаҳри Хуҷанд Фестивали оши палав ҷамъбаст шуд
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид






