Дар вилояти Суғд бори аввал Иди картошка таҷлил мешавад
ДУШАНБЕ, 12.02.2020 /АМИТ «Ховар»/. Имсол дар доираи барномаҳои наврӯзӣ дар вилояти Суғд бори аввал Иди картошка таҷлил мешавад.
Тавре хабарнигори АМИТ «Ховар» бо истинод ба Хадамоти матбуоти раиси вилояти Суғд иттилоъ медиҳад, имсол роҳбарияти вилоят дар доираи барномаҳои наврӯзӣ — Фестивали «Сайри гули лола», Иди асал, намоиши нону маҳсулоти нонӣ ва бори аввал Иди картошкаро, ки яке аз маҳсулоти мавриди ниёзи аввал дониста мешавад, баргузор менамоянд.
Раиси вилоят Раҷаббой Аҳмадзода баргузории Иди картошкаро, ки навгонӣ дар Наврӯзи байналмилалии вилоят аст, баргирифта аз супориши Президенти Ҷумҳурии Тоҷикистон Эмомалӣ Раҳмон ҷиҳати дар панҷ соли минбаъда ба 1 миллион тонна расондани ҳосили картошка арзёбӣ намуд.
Раиси вилоят дар боғи Камоли Хуҷандӣ, ки маркази баргузории барномаҳои Наврӯзи имсола дар вилояти Суғд муқаррар гардидааст, бо иштироки масъулони соҳаҳои мухталиф машварати корӣ баргузор намуд.
Мавсуф ба шахсони мутасаддӣ, аз ҷумла роҳбарияти Ҷамъияти иттифоқи матлуботи вилоят барои дар сатҳи баланд ташкил намудани намоишҳо вазифаҳои мушаххас гузошт. Инчунин дастур дода шуд, ки нонҳои минтақаҳои Тоҷикистон, аз ҷумла нон ва маҳсулоти нонии Хуҷанду Зарафшон, Хатлону Бадахшон дар ин намоишгоҳ пешкаши меҳмонон гардонида шаванд, то мардум бо анъанаҳои миллии ҳамдигар шинос гарданд.
Наврӯзи Аҷам яке аз ҷашнҳои қадимию суннатии мардуми тоҷик буда, 11 сол боз ҳамчун ҷашни байналмилалӣ дар саросари ҷаҳон таҷлил мегардад. Имрӯзҳо дар шаҳру ноҳияҳои мамлакат омодагиҳо барои баргузории барномаҳои муҳташами наврӯзӣ оғоз гардидаанд.
Тавре сардори Раёсати санъати Вазорати фарҳанги Ҷумҳурии Тоҷикистон Мирзоолим Саидов иттилоъ дод, Наврӯзи байналмилалӣ имсол дар шаҳри Душанбе ва дигар шаҳру ноҳияҳои мамлакат бо шукӯҳу шаҳомати хосса таҷлил мегардад.
Мавсуф иброз дошт, ки Наврӯз аз ҷумлаи бузургтарин ойинҳо ва ҷашнҳои қадимии мардуми ориётабор мебошад. Маҳз бо талошу кӯшишҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон аз 30 сентябри соли 2009 инҷониб Наврӯз мавқеи байналмилалӣ гирифта, ба рӯйхати Мероси фарҳангии ғайримоддии башарият дохил карда шуд.
АКСИ АВВАЛ: Таҷлили ҷашни Меҳргон дар шаҳри Душанбе. Акс аз бойгонии АМИТ «Ховар»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
