Озмоишгоҳи «Тоҷикстандарт» барои истифодаи нишони мақомоти бонуфузи байналмилалии «ILAK» иҷозат гирифт
ДУШАНБЕ, 07.02.2020. /АМИТ «Ховар»/. Маркази миллии аккредитатсияи Ҷумҳурии Қазоқистон ТОО «НЦА», ки аъзои комилҳуқуқи ташкилоти байналмилалӣ оид ба аккредитатсия (ILAK) аст, барои истифодаи нишони мақомоти бонуфузи байналмилалии «ILAK» ва ТОО «НЦА» дар санадҳои ташхисии Агентии стандартизатсия, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») қарор қабул кард.
Тавре ба АМИТ «Ховар» аз Агентии «Тоҷикстандарт» хабар доданд, 4 ва 5 феврал дар Маркази ташхиси маҳсулоти хӯрокворӣ, кишоварзӣ ва молҳои ниёзи мардуми Агентии «Тоҷикстандарт» аз ҷониби Маркази миллии аккредитатсияи Ҷумҳурии Қазоқистон ТОО «НЦА», ки аъзои комилҳуқуқи ташкилоти байналмилалӣ оид ба аккредитатсия (ILAK) мебошад, санҷиши назоратии фаъолияти озмоишгоҳ гузаронида шуд. Дар раванди санҷиш асосан мутобиқати фаъолияти озмоишгоҳ ба талаботи стандартҳои байналмилалӣ мавриди баррасӣ қарор дода шуд.
“Натиҷаи санҷиши назоратӣ нишон дод, ки дар озмоишгоҳ дақиқии ташхисҳо ва дигар талаботи меъёрҳои байналмилалӣ риоя мегардад ва бо назардошти ин барои истифодаи нишони мақомоти бонуфузи байналмилалии «ILAK» ва ТОО «НЦА» дар санадҳои ташхисии Агентии «Тоҷикстандарт» қарор қабул карда шуд”,- илова намуд манбаъ.
Ёдовар мешавем, ки моҳи январи соли 2018 Маркази ташхисӣ дар феҳристи озмоишгоҳҳои дар сатҳи байналмилалӣ аккредитатсияшуда ба қайд гирифта шудааст. Марказ тибқи талаботи стандарти байналмилалии ИСО/МЭК 17025:2009 «Талаботи умумӣ ба салоҳиятнокии озмоишгоҳҳои ташхисӣ ва калибровкакунонӣ» аккредитатсия карда шуда, соҳиби аттестати аккредитатсия мебошад. Дар давраи якуми аккредитатсия 21 усули ташхисӣ ва дар давраи дуюми аккредитатсия 40 усули ташхисӣ ба қайд гирифта шуданд, ки ин доираи ваколатҳоро қариб 2 баробар зиёд менамояд. Ҳамзамон ба системаи рамзии намунаҳо ва ҷобаҷогузории менеҷерҳои сифат дар сохтори ташкилии «Тоҷикстандарт» баҳои хуб дода шуд.
Мавриди зикр аст, ки дар миқёси Осиёи Миёна Тоҷикистон баъд аз Қазоқистон дуюмин мамлакатест, ки озмоишгоҳи ташхиси маҳсулоти хўроквориаш дар ин доира ваколати байналмилалӣ мегирад.
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Директори генералии Хазинаи Қатар оид ба рушд бо ҷараёни корҳои сохтмонӣ дар НБО «Роғун» шинос шуд
Байни Тоҷикистон ва Хазинаи Қатар оид ба рушд Созишномаи қарзи имтиёзнок барои сохтмони НБО «Роғун» ба имзо расид
Дар Москва ҷаласаи навбатии коршиносони Шурои роҳбарони хадамоти гумруки ИДМ баргузор гардид
Тоҷикистон ва Чин барои бунёди роҳҳои дусатҳа дар шаҳри Душанбе ба мувофиқа расиданд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
