Роҳбари ТУТ дар Мюнхен доир ба коронавируси нав: ҳамбастагӣ ва амали қатъӣ бояд ба ҳама гуна ҳангома муқобил гузошта шавад

Февраль 17, 2020 10:00

ДУШАНБЕ, 17.02.2020 /АМИТ «Ховар»/. Директори генералии Ташкилоти Умумиҷаҳоии Тандурустӣ  доктор Тедрос Гебрейюс ба иштирокчиёни Конфронси амнияти Мюнхен муроҷиат карда, аз давлатҳо даъват ба амал овард,  ки ба эпидемияи нави коронавируси COVID-19 ҷиддӣ омода шаванд, овозаҳо ва ҳангомаҳои атрофи онро ҷилавгирӣ кунанд. Дар ин бора АМИТ «Ховар» бо истинод ба хадамоти матбуоти СММ хабар дод.

«Имрӯз пешгӯӣ кардан ғайриимкон аст, ки чӣ гуна эпидемия паҳн хоҳад шуд»,- иброз намуд доктор Тедрос Гебрейюс. Вай бо эҳтиром изҳор дошт, ки Чин барои пешгирии паҳншавии вируси нав тадбирҳои саривақтӣ ва қатъӣ андешидааст ва дар хориҷ ҳолатҳои оммавии интиқоли COVID-19 аз як нафар ба каси дигар ба қайд гирифта нашудаанд. Ёдовар мешавем, ки вируси номаълум охири моҳи декабри соли гузашта дар шаҳри Ухани Чин пайдо шуда,  аз он ҷо ба тамоми музофоти Ҳубей паҳн шуд ва баъдан ба 24 давлати дигар «ворид гардид». То имрӯз 1 381 нафар аз коронавирус вафот кардаанд. Танҳо дар як шабонарӯз зиёда аз сад бемор фавтидаанд. Тибқи иттилои ВАО, навакак як сокини Франсия аз он ҷон додааст. Ин аввалин ҳолати фавт дар Аврупо мебошад.

Имрӯз пешгӯии он ки эпидемия чӣ гуна хуруҷ мекунад, номумкин аст

Доктор Тедрос мегӯяд: «Чин ба мо фурсат дод, ки вақтро аз даст надиҳем, аммо мо намедонем, ки чӣ қадар вақт дорем»,- огоҳ кард  доктор Тедрос: «Ҳамаи мамлакатҳо бояд ба ҳолатҳои пайдо шудани ин беморӣ омода бошанд, онҳо бояд  ба беморон шифо бахшанд, бо ҳурмату эҳтиром нисбат ба онҳо муносибат кунанд ва духтуронро аз интиқоли вирус муҳофизат кунанд». Дар ТУТ аз он дар ташвишанд, ки  дар Чин аз вируси COVID-19  1716 нафар табибон сироят ёфтаанд ва аз ин шумора шаш нафар аллакай фавтидаанд. Бар замми ин дар бозор таҷҳизоти муҳофизати инфиродӣ вуҷуд надорад. Доктор Тедрос  зикр кард, ки   ТУТ бо истеҳсолкунандагон ва таҳвилгарони таҷҳизот ва таҷҳизоти муҳофизатӣ барои таъмини мунтазами онҳо кор мекунад.  ТУТ  ҳоло ба мамлакатҳое, ки зиёдтар ба лавозимоти ташхисӣ, ниқобҳои рӯй, дастпӯшакҳо, хилъатҳо ва дигар таҷҳизоти муҳофизати шахсӣ ниёз доранд, онҳоро равон намуд.

Бо вуҷуди ин, шумораи беморони COVID-19 дар Чин, ки 99 фоизро ташкил медиҳад, меафзояд: он ҷо зиёда аз 66,000 нафар одамон аллакай бемор мебошанд. Дар давлатҳои дигар вирус дар 505 нафар ошкор карда шуд. Бо вуҷуди ин, доктор Тедрос зикр кард, ки давлатҳо хатари ин эпидемияро, ки ТУТ онро ҳамчун ҳолати фавқулодаи тандурустӣ дар сатҳи байналмилалӣ эълон кардааст, ба назар намегиранд.

Вай ёдовар шуд, ки тибқи гузориши ТУТ ва Бонки ҷаҳонӣ, ки як сол пеш нашр шуд, давлатҳо ба чунин ҳолатҳо хеле суст омода мешаванд. Онҳо барои коҳиш додани авҷи беморӣ маблағҳои зиёде сарф мекунанд ва вақте ки он хомӯш карда мешавад, онҳо фаромӯш мекунанд ва ҳеҷ коре намекунанд, то хуруҷи бемории навбатӣ онҳоро дар вазъияти  ногувор намонад.

«Ҷаҳон триллионҳо долларро барои омодагӣ  дидан ба ҳамлаҳои террористӣ харҷ мекунад, аммо барои омодагӣ ба «пайдоиши» вирус, ки метавонад  ҳазорон нафарро аз ҳаёт маҳрум кунад  ва зарари бузурги иқтисодӣ, сиёсӣ ва иҷтимоӣ расонад, нисбатан кам маблағ сарф мешавад» -гуфт роҳбари ТУТ. Ба гуфтаи вай, чунин сиёсати кӯтоҳбинона ва хатарнокро наметавон шарҳ дод.

Душмани бадтарини мо на вирус, балки доғи нанг дар байни мардум аст

«Аммо мо бояд на танҳо бо эпидемияи COVID-19, балки бо «инфодемика» низ мубориза барем»- гуфт директори генералии ТУТ. -«Хабарҳои нодуруст ё ба қавле, фейк назар ба вирус зудтар ва осонтар паҳн мегарданд.» Барои муқовимат бо ҷараёни овозаҳо ва иттилооти нодуруст, Созмон бо ширкатҳои интернетӣ, аз ҷумла “Google”, “Facebook, “Twitter”, «Пинтерест»  ва ғайра ҳамкорӣ мекунад. «Мо аз Ҳукумат, ширкатҳо ва агентиҳои иттилоотӣ даъват ба амал меорем, ки дар якҷоягӣ бо мо дар бораи хатар ошкоро гап зананд»,- иброз дошт доктор Тедрос.

Дар расм: дар яке аз шаҳрҳои Чин, ки онҷо бемории намуди нави коронавирус кам намешавад, одамон маҷбуранд барои дастрас намудани ниқобҳои муҳофизатӣ ба навбат истанд. Акси Ли Жан

Февраль 17, 2020 10:00

Хабарҳои дигари ин бахш

СОЗАНДАГОНИ ИМРӮЗУ ФАРДОИ ВАТАН. Имрӯз дар Тоҷикистон Рӯзи ҷавонон таҷлил мешавад
Пешвои миллат Эмомалӣ Раҳмон ҷавононро такягоҳи воқеӣ, умеду ифтихори ҷомеа ва давлати Тоҷикистон номиданд
Сарвазири Тоҷикистон Қоҳир Расулзода дар ҷаласаи навбатии Шӯрои сарони ҳукуматҳои кишварҳои узви ИДМ тариқи видеоконференсия иштирок намуд
МИНА ГУЛИ – ДАР ТОҶИКИСТОН: МАРАФОНИ ҶАҲОНӢ ИДОМА ДОРАД. Он баҳори соли оянда дар Ню-Йорк ба анҷом мерасад
Имрӯз дар сиғаи онлайн ҷаласаи Шӯрои сарони ҳукуматҳои ИДМ баргузор мешавад
ДАР ДУШАНБЕ ФОРУМИ ДОРОИ АҲАМИЯТИ ҶАҲОНӢ БАРГУЗОР МЕГАРДАД. Сарвазири Ҷумҳурии Тоҷикистон дирӯз ҷаласаи навбатии кумитаи тадорукотро баргузор намуд
Президенти Тоҷикистон Созмони Аҳдномаи амнияти дастҷамъиро аз таҳия шудани барномаҳои мухталиф дар марзҳои ҷанубӣ огоҳ намуданд
ДАР РУСИЯ ШУМОРАИ НАФАРОНИ ДАР ЯК ШАБОНАРӮЗ БО COVID-19 БИСТАРИШУДА СЕ МАРОТИБА АФЗУД. Вазъи коронавирус дар Тоҷикистон чӣ гуна назорат мешавад?
КОНФРОНСИ ДУЮМИ САТҲИ БАЛАНД ОИД БА МАСЪАЛАҲОИ ОБ ДАР ДУШАНБЕ. То имрӯз ҷиҳати иштирок дар он беш аз 1000 нафар номнавис шудаанд
Пешвои миллат Эмомалӣ Раҳмон 9 майро санаи ёдоварӣ аз муборизаи фидокоронаи фарзандони Тоҷикистон дар ҷабҳаҳои ҷанг хонданд
САҲМИ ФИРИСТОДАГОНИ ТОҶИКИСТОН ДАР ҒАЛАБА. Зиёда аз 250 ҳазор нафар ихтиёрӣ ба фронт рафта, барои таъмини Ғалаба ҷонбозиҳо намудаанд
«ПЕШВОИ МИЛЛАТ — ТАШАББУСКОРИ ҲАДАФҲОИ ҶАҲОНИИ РУШДИ УСТУВОР ДАР СОҲАИ ОБ». Таҳти ин унвон дар Душанбе конференсия доир шуд