То 13 феврал дар минтақаҳои кӯҳии Тоҷикистон боридани барф дар назар аст
ДУШАНБЕ, 11.02.2020 /АМИТ «Ховар»/. То 13 феврали соли равон дар қисмати бештари минтақаҳои кӯҳии мамлакат барф борида, дар аксар маврид ин боришоти шадид сабаби лағзиши тарма ва резиши санг мешаванд. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.
Бино ба иттилои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, дар натиҷаи бориши пуршиддати барфу борон дар роҳҳои мошингарди «Душанбе-Рашт – Лахш», «Душанбе – Чаноқ», «Шамсиддини Шоҳин – Ванҷ», «Хоруғ – Ишкошим» ҳаракати мошинҳо метавонад ба мушкилӣ рӯ ба рӯ шавад.
Тавре иттилоъ дода шуд, шабонарӯзи гузашта дар километрҳои 47 – 100 роҳи мошингарди «Душанбе-Чаноқ», ҳамчунин дар километрҳои 3 ва 4 роҳи «Лабиҷар-Сангвор» лағзиши тарма ба қайд гирифта шуд.
Барои тоза кардани роҳ аз тарма хадамоти роҳи Вазорати нақлиёти Ҷумҳурии Тоҷикистон ва ширкати Innovative Road Solutions (IRS) техникаи махсус ҷудо карданд. Дар айни замон роҳҳо пурра тоза буда, рафту омади мошинҳо муътадил аст.
Барои таъмини бехатарии ронандагон ва мусофирон дар роҳҳои зимистона ва расонидани кумаки фаврӣ кормандони наҷоти Кумита ва ширкати IRS 53 ронанда ва мусофирони мошинҳои онҳоро, ки дар иҳотаи барф монда буданд, ба ҷойи амн интиқол дода, бо ғизои гарм ва ҷойи хоб таъмин намуданд.
Кумитаи ҳолатҳои фавқулода ва мудофиаи гражданӣ аз шаҳрвандон хоҳиш мекунад, ки дар рӯзҳои сербориш аз сафарҳои безарурат аз тариқи роҳҳои кӯҳӣ, анҷоми корҳои саҳро, шикор ва чаронидани чорво худдорӣ кунанд!
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
